فيسبوك
واتساب
ذكريات زمان حلوة سعيدة
مرت سريعة زى السحاب
بوظتها الدنيا الغريبة بالعناد
وعدنا تانى من غير أحباب
ما أعرفش أنا ذنبى إيه
أنا اللى خنت ولا اتخانت
خدعت ولا اتخدعت سيبت ولا اتسابت
ماعرفتش يومى الأحد ولا السبت
بقى بينا كتير مسافات
طريق طويل وبعده بحر
وقلبى الإنسان كأنه مات
والزمن علينا صعب مر
بعدك حياتى ألم فى ألم
وعذاب فى عذاب
دنيا أخدت فيها القلم
ودفعت أنا فى الآخر الحساب
يا دنيا يا جبانة خدعتينا
امسكى إيدينا عدى بينا
ليه مصرة تغرقى السفينة
إحنا اشتريناكى وأنت بيعتينا
منك لله يا للى قررت الغياب
بيعتنا للسراب حتى السراب راح
بينى وبينك أنت صادق ولا كذاب
يرضيك تسيبنى كلى جراح
