فيسبوك
واتساب
أم البطل بتودعه بروح البطل ..
دموعها نهر وفى القلب قهر بس برضه أم البطل..
جمعت هدومه وكتب علومه جوا شنطة باسم البطل...
وفى الجنازة وقفت تزغرد وترمى ورد على صندوق جواه البطل..
ولما انتهى وقت الصلاة قالت سيبونى أكلمه ده أنا ياما كنت بعلمه ..
أكيد شايفنى وكمان سامعنى بس رده خلاص خلص..
مش عايزة ردك ولا نبض قلبك أنا عايزة روحك تضمنى ..
طبطب على من غير ما أشوفك هحس بيك ..
ما انا ياما قلبى قبل ما تيجى كان نبضه بيك..
أوعدنى وعد تيجى فى منامى كل ما أنام ..
مش عايزة غير أنى أشوفك من غير كلام ..
اياك تغيب وتنسى أمك ..
احجز مكانى فى الجنة جنبك ..
ولحد ما اجى هروح جنازة كل شهيد..
هودعه وابعت سلامى لأبنى الشهيد..
. رئيسة جمعية زوجات ضباط الشرطة .
