اقعد فى غرفتك لوحدك .. اقفل الباب عليك .. طفى النور .. حط الهاند فرى على ودنك وشغل موسيقى هادية.. غمض عنيك واسترخى ...... واتخيل حلمك تبقى إيه ....... رجل أعمال أو مشهور أو أى حلم عايز تحققه ..... أدخل فى كل تفاصيله واتخيلها بدقة ......
مثلا حيبقى عندى أكبر مؤسسة تدريبية .... حختار مكان مميز فى البلد ..... حيبقى عندى سكرتارية أد إيه وكام موظف ومدرب ..... حنعمل برامج شكلها إيه ..... حقف أدربهم إزاى يفكروا ويحلموا ويحققوا حلمهم ..... حيبقى عندى عربية لونها إيه ... وإيه وإيه وإيه ....
فكر فى كل التفاصيل ..... بس كفاية كده فتح عينيك .... اكتب كل اللى شفته وتخيلته بتفاصيله فى ورقة وبص فيها دايما واتخيل اللى شفته وفكر حبتدى بأنهى خطوة دلوقتى عشان أوصل لحلمى ده ويبقى واقع وأحسه زى فى الحلم وابتدى أحققه .... وأوصل لهدفى اللى كنت بحلم بيه وابتدى أحلم حلم تانى عشان أحققه.
جميل أننا نحلم لكن لازم فى وقت نصحى عشان نحقق حلمنا .... ولا عايز تفضل نايم ويبقى حلم فى خيالك وعلى ورق بس .... أعملوا الطريقه دى واصحوا وياللا بينا عشان حلمنا يبقى واقع فعلى مش مجرد خيال وقرب من ربنا دايما، واجتهد وتوكل عليه فهو الوحيد اللى حيعينك على الصعوبات لغاية ما تحقق حلمك، فمن توكل على الله فهو حسبه، واحلم وابعد عن اللى دايما يحبطك ويشكك لحظة أن ممكن حلمك ده يتحقق وقوله أنت اللى مش بتعرف تحلم ولا عندك حلم عايز تحققه، لكن أنا عندى حلم لمستقبل وبإذن الله وعونه ححققه ... وحقق الحلم عشان حلمنا ..... حيبنى مستقبلك ومستقبل أولادك ومستقبل وطن .
