فيسبوك
واتساب
اقعد مع نفسك وصارحها، هات كل اللى جواك
صارح الدنيا وصالحها هتلاقى الدنيا معاك
حاسب ضعفك واديله القوة من جواك
وأوعى ترجع فى قرارك دا الضعف نهايته هلاك
بتغلط غيرك والغلطة بتحسبها بسرعة عليه
نفس الغلطة بتعملها من غير ما تحس يا بيه
طب صحى ضميرك واحسبها وشوف الفرق فى إيه
تقعد تدور على حجة وتحور فى الكلام
تحاول تظبطها بالكدبة وشيطانك يقول تمام
ما تصالح نفسك وصارحها
خليك تعيش إنسان
حط الحاجة فى مطرحها
دور لك على عنوان
