فيسبوك
واتساب
وعيب الحب لو صادق
تتوه بين الحروف روحه
وقالوا أكتب وأنا كاتب
وغاوى الشعر وبقوله
كتبت وقلت أنا عاشق
وأنا هايم وأنا دايب
وشايل قلبى محبوبه
وزارع أرض بور بساتين
يفتح وردها ب شوفه
وعندى من الديوان دواوين
بتوصف م الحبيب توبه
حدود أخر الكلام توبه
وعيب الحب لو صادق
تتوه بين الحروف روحه
بإيه أوصف غياب وقت انتظار ساعة
وكام مرة نادانى الشوق
وصاب القلب نار دقاته ولاعه
وكام مرة عنيا تبص للتليفون
وأقول يمكن تكون بترن وعيب تليفونى سماعه
بإيه أوصف شعور عاشق
بيخلق للحبيب أعذار وعامل ليها شماعة
بتضحك
تبقى مش فاهم
وقلبك لسه باله طويل
وأنا عندى حبيبتى تستاهل
تشيلها عيونى طول الليل
صحيح غنوا الغرام مواويل
وقالوا فيه كلام يا ما
وقالوا أن العليل بيطيب
وإن الحب دوامه
طريقه شوق وناره لهيب
أقولك.....................
خلق كدابه
مفيش من وصفهم حاجة
فى عرف المعشوقين حبيبين
مفيش بينهم طرف تالت
ولو سكن الغرام الاتنين
منين تبقى الكفوف مالت
ولو مالت ......................
فى بحر الدنيا موج هايج
بيسحب مركب العاشقين
بيقلبها شمال حبه
ومره ياخدها تانى يمين
فيعنى أن مالت الكفة
مسير بحر الغرام هيلين
وبرضوا حبيبتى مختلفة
مابينا حب عمره سنين
ولو أوصفها بالكلمة
هجيب بدل الحروف ملايين
