فيسبوك
واتساب
"خطيبتى محترمة، وشيك وبنت ناس بس ما بتهتمش بنفسها زى ما باقى البنات بتعمل..كنت بقول بكرة تتعلم من صاحباتها بس مافيش فايدة..أنا بحبها جدًا وقابلها بالوحش قبل الحلو وعمرى ما هفكر أقولها واحرجها..بس إيه المفروض اللى اعمله فى الحالة دى؟"
سؤال طرحه أحد الشباب الحائرين عبر صفحة للمشاكل على موقع التواصل الاجتماعى "فيسبوك" باحثًا بيأس عن طريقة غير محرجة للفت نظر خطيبته إلى هذه المشكلة التى قد تسبب الكثير من المشاكل فيما بعد خاصة بعد الزواج.
ومن الفتيات، تلقى اقتراحات مفيدة يمكن أن تساعد كل من يمر بهذا الموقف..
قدم لها هدية
اقترحت "ندى محمد" على صاحب المشكلة أن تكون هدية الفلانتين هى حجز فى سبا، وقالت "اتفق لها على برنامج كامل للعناية من تنظيف للبشرة ومساج وحمام مغربى، وقدم لها الحجز من غير ما تقول حاجة، ولما تخلص حضر لها خروجة وابدى إعجابك بيها، ومن خلال مدحك هتاخد بالها إنها كده أفضل".
الجأ للتلميحات
أما "شيماء شاكر" فاقترحت أن يلجأ للتلميحات الذكية، وقالت "ابعت لها فيديو لميكب آرتيست وقل لها أنا معجب بلون الروج دا شايفه هيكون مناسب عليكى إيه رأيك أجيب لك زيه، هتنتبه إنك بتحب الاهتمام بالحاجات دى وتاخد بالها بعد كده".
امدحها فى أفضل حالاتها
أما "سماء محمد" فاقترحت أن يختار لها صورة جميلة كان اهتمامها بنفسها واضحًا فيها، ويمتدح جمالها فى هذه الصورة، وهى ستنتبه إلى أن هذا الاهتمام يعجبه، وستحرص على أن تكون فى حالة جيدة دائمًا.
ابدأ من نفسك
اقتراح آخر قدمته "نهى خالد" وهو "ابدأ من نفسك، اسألها هى بتحب إن الراجل يكون شكله إزاى ومهتم بنفسه إزاى، وبعدها خد دورك واتكلم أكتر حاجة بتحب البنت تهتم بيها إيه هى، وبكده تلفت نظرها من غير ما تجرحها".
