فيسبوك
واتساب
يا بحر مالك بقى هو أنت بتعد النجوم
ولاّ حالك زى حالى يوم ويوم
عطشان وأنا عندى السبيل
يا بحر لو تعرف تعوم
عجبى
البحر طويل وعريض قدام
ومالوهش قرار لو عومت أعوام
وبقيت شبك وسمك أيوووووه
وبقيت ع الشط أنا سرب حمام
عجبى
البحر حر مش مشكلة لو جاى راح
فى الموج حنين أو ذكريات ساعات براح
وساعات غريق لو تلحقوه قبل الغرق
كان فوق لتحت لتحت فوق ده المفترق
عجبى
على رأس التين البحر جدع أول ما الموجة
تقوللى أنا
رملة يا تغريدة مع الودع يا طيور النورس
قلبى هنا
ومجداف صياد كان على حالة أن راح
لبعيد عند الأيام
راجع بالشبكة تحلالة حتى ولو كانت
فى الأحلام
عجبى
أنا عند وعدى ليك يا بحر يا أبو الجمال
لو عومت الملح حلو والموج مالوش مثال
أنا عند وعدى ليك يا قمرى الحقنى مد
أطلعلك قولت اية موافق قول بجد
عجبى
أهلا بالبحر ده فكرنى ببياع الترمس ع
الكورنيش
كام مرة ينادى على سكوتة يملى
القراطيس
أهو كان مشوار زى ما روحنا بياعنا أهو
راح
مين يحكى يا بحر ومين يسمع ولا حاجة
مفيش
عجبى
