فيسبوك
واتساب
المنتخب المصرى مصنع أبطال
فى الشده صلب زى الجبال
روح وعزيمة أشجع رجال
فريق كبير لا محال
أبو الهول مصر الحضري
أسطورة تاريخ مصري
وحجازى موجود حصري
فى الدفاع هرقل مصري
أحمد فتحى الحيطة السد
اللى يقرب يهده هد
واللى يفوت من على جبر
يبقى حفر لنفسه القبر
ملك الكبارى المحمدي
ضم فى رجلك لما تهدي
والننى الننى النني
مين ده اللى يخدك مني
طارق حامد فى خط النص
يرقصك على واحدة ونص
واللى يجاور عبد الله السعيد
يعيش مرتاح مبسوط وسعيد
وبص شوف محمود تريزيجيه
جناح طاير فنان وبيه
ومن روما محمد صلاح
فى أى فرقة أقوى سلاح
أوعى حاسب من كهربا
فولت عالى وشقلبا
مروان محسن يا سلام عليه
لما يلعب تسلم رجليه
احتياطى وجهاز فني
أحلى تحية ليهم مني
الكل يؤدى بإخلاص
فى حب مصر وأجدع ناس
