فيسبوك
واتساب
وبعدهالك يازمن
ليه اشتياقى يزيد أنين
وليه بتاخد مننـــــــــــا
ومن عمرنا أجمل سنين
الغدر طبعك يازمن ويايا ..ليــه ؟
وليــه بتســرق فرحتى ..انا ذنبى ايه ؟
ولا عشان طبعى الوفا .. تجازينى بيه ؟
الله يسامح قسوتك .. مـاتقــول آمين
وبعدهالك يازمن.. ليه اشتياقى يزيد انين
****
ليه المرار بتزوده .. فوق الجروح
ولا أنت ناسى إنى أنا إنسان وروح
ورينى مرة ضحكتك .. فرحنى يوم
ولا مافيش فى سكتك .. غير الهموم
وازاى عايزنى أشكرك.. وأقول يدوم
انا معترض... وع العموم .. متشكرين
وبعدهالك يازمن ..ليه اشتياقى يزيد انين
