انتقد طارق عامر محافظ البنك المركزى، الاستمرار فى استيراد بعض السلع الترفيهية من الخارج، قائلًا "هو لازم موبايلات بـ2 مليار دولار فى السنة علشان أبقى مبسوط؟".
وقال عامر، فى تصريحات تليفزيونية، إن مصر أجرت تغييرًا فى هيكل السياسة النقدية حتى تشجع المنتج المحلى، مردفًا: "إحنا ما نقدرش نعيش ونتحول لسوق لكل عشوائيات العام، ونهدر أموالنا فى بضائع مش على المستوى، وإحنا كنا بننتج كل حاجة"، وتابع: الآن أصلحنا الوضع بحيث يأخذ الإنتاج المصرى طفرة كبيرة.
وأوضح محافظ البنك المركزى، أنه ليس هناك متأخرات فى السداد وأن حصيلة البنوك بلغت منذ نوفمبر 13.5 مليار دولار معظمها من المصريين، مطالبًا وسائل الإعلام بإظهار الإيجابيات كما يظهرون السلبيات.
وأشار إلى أن الاحتياطى لم يزد من القروض الخارجية، مؤكدًا: "وفّرنا 71 مليار دولار للقطاعات الاقتصادية"، ومن المتوقع أن يصل حجم الدين الخارجى فى يونيو المقبل حوالى 30% من النائج القومى، أى 60 مليار دولار.
عدد الردود 0
بواسطة:
نبيل عبد الحميد
صدقت ياسياده المحافظ
لماذا لانمنع استيراد مثل هذه الاشياء الا توجد قوانين اذن لابد من تفعيلها وبكل حزم واناشد مجلس النواب وبصفه عاجله التدخدل
عدد الردود 0
بواسطة:
المصرى
طارق عامر هو الفشل المجسم
إلى الفاشل مهنيا تاجر العملة طارق عامر فى مزاد البنك المركزى لطرح أذون خزانة بقيمة 12 مليار جنيه الاسبوع قبل الماضى ، 97? من المكتتبين فيها كانو صناديق إستثمار أجنبية ، أى انه حوالى 650 مليون دولار دخلت إحتياطى البلد الاسبوع الماضى وحده ليس مقابل إنتاج و تصدير، أو إستثمار، أو سياحة ، و إنما اموال ساخنة ( Hot Money ) دخلت تقعد معانا شوية ، و تاخد 16? فوائد، وبعدين تخرج كسبانة كمان فرق سعر بيع الدولار وقت بيعه للمركزى الشهر الماضى ( 19 جنيه) و سعره الحالى (16 جنيه)". اما كل أموال سندات الخزانة المصرية (4 مليار دولار فهى بفائدة 7.5%) مع العلم أن فائدة الدولار دوليا لاتزيد عن 0.5%. أى إستغلال غباء واللامهنية بتاعة سيادتك
عدد الردود 0
بواسطة:
مواطن
طب ليه البنوك مش بتبيع دولار للمواطنين؟ كدة السوق السوداء ممكن ترجع تاني!
طب ليه البنوك مش بتبيع دولار للمواطنين؟ كدة السوق السوداء ممكن ترجع تاني!
عدد الردود 0
بواسطة:
وليد
رأى حر
أعلم جيدا مقدار الأجور الباهظة التى تتقاضها ومش لازم تقبض كل دة علشان اية انت لم تخترع وكفاية الغلاء اللي عايشين فيه والرخاء الذى تعيش فيه من أموال الفقراء
عدد الردود 0
بواسطة:
ابو مازن الاسكندرانى
اوقفوا استيراد السلع الاستفزازيه
الصين ايام مواتسى تونج قفلت على نفسها ولبسوا كلهم من بدايه الرئيس الى اصغر عامل لبسوا كلهم بدله واحده هى ( بدله المخبرين عندنا ) حتى وقفت على رجليها وغزت العالم احنا فى عز ازمه الدولار لسه بتستورد حاجات ملهاش لازمه زى الدره الاسبانى عند بتاع اللب ده هثل كفايه هدر عمله صعبه فى استيراد كلام فارغ ياريت المسئول عن استيراد السلع من الخارج يكون مصحصح للكلام الفارغ ده
عدد الردود 0
بواسطة:
محمد علي
الي التعليق رقم 2 ( المصري )
هوا البعيد مبيفهمش ، الراجل بيقولك وفر 71 مليار دولار للقطاعات الاقتصادية ودخل البلد 13.5 مليار دولار عملات صعبة من المصريين وانتا مصمم تتكلم عن السندات الدولارية عن 650 مليون دولار ؟؟؟؟ ياجماعة اتقوا الله في البلد دي وكفاية تعليقات مضروبة : التعويم قرار صائب مليون في المية والراجل اللي بتتهمة بالغباء حط في الاحتياطي 26 مليار والدولار سعرة بيرجع والبلد ماشية صح
عدد الردود 0
بواسطة:
Ayoub mousa
فين المنتج المحلى المنافس
طيب يا سياده المحافظ بعد اذنك ساعدوا رجال الأعمال فى إنتاج ما نستورده. فين الموبايل المصرى إلى قولتم عليه
عدد الردود 0
بواسطة:
nader fawzy
ارحل
لو سمحت كفاية كدة ارحل او اسكت انت كام مرتبك اية الابداع ال انت عملتة اسكت وارحل