فيسبوك
واتساب
يا عروسة قومى اتزينى
أنا جبتلك فستان
وعملت كوشة ف حينا
مليانة بالألوان
والليلة راح نسهر هنا
ونقيد شموع النور
ما أنا حبيبتى مش بشر
دى من الحسان الحور
شوفوا نسيت من فرحتى
وتهت أنا ولا جبت سيرة
عارفين حبيبتى تبقى مين
حبيبتى دى تبقى البحيرة
فيها العقول مالهاش حدود
والحب ساكن كل بيت
شوفوا قرى إيتاى البارود
والرحمانية وشبراخيت
ورشيد ونيلها وشعبها
ونخيلها حارس أرضها
وهنا الأساس لمحافظتى
وهنا الأصالة كلها.
