خالد صلاح

برعاية سوبر كورة

سوبر كورة

محمد صلاح العزب

مصر «الإيجابية» تتحدى «السلبية»

الثلاثاء، 14 فبراير 2017 10:00 ص

مشاركة

اضف تعليقاً واقرأ تعليقات القراء
خليك إيجابى.. ولو قعدت فى أى مكان وطلع لك بلطجى قالك عاوز «مينيمام تشارج» اعمل معاه السليمة واتصل برقم 19588، ده الخط الساخن لجهاز حماية المستهلك، والرقم ده بيرد على فكرة، اللواء عاطف يعقوب، رئيس الجهاز أكد أن الـ«minimum charge» فى جميع الكافيهات أو المطاعم أو الملاهى، هو عمل غير قانونى، وإن حضرتك لو بلغت عن أى مكان بيفرضه الجهاز هياخد ضده الإجراءات القانونية فورا، وهيتقفل، مع تحويل مسؤوليها للنيابة العامة، قولا واحدا، خليك إيجابى ومتخليش حد يستغفلك، وخليها تنضف.
 
من فضلك اشكر مصر، لأن فاتورة الكهرباء هتغلى تانى فى يوليو المقبل، والسيد محمد شاكر، وزير الكهرباء والطاقة المتجددة، قال إن الدولة تضع فى أولويتها محدودى الدخل، وإن الأسعار الجديدة التى ستطبق على الكهرباء فى يوليو المقبل ستكون عادلة، الحمد لله، شكرا يا مصر. هذه مرة من المرات القليلة التى يمكننا فيها الإشادة بوزارة التربية والتعليم بوقوفها ضد مافيا المدارس الدولية بالتأكيد على أنه لا يجوز تحصيل أى زيادة فى المصروفات المدرسية السنوية إلا بنسبة (7%)، وكذا تحصيلها بالعملة المصرية من جميع الطلاب مع ضرورة إخطار الوزارة بقيمة المصروفات.. خليك إيجابى واتعامل مع الوزارة لو ليك ابن فى مدرسة دولية وحاولت تشتغلك.

مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

شاعر الاحزان

يا جماله يا جماله

ايه يا عم محمد احنا .عالصيف ان شاء الله هنبقى زملا وبتتريق عليا..ايه الرقم اللى حاطه ده .وده .على مايتصل بيه الزبون البلطجى هيستنى ..ساعات لحد ما ييجوا ..ولا هيكون شبع ضرب .وتلطيش ..ومفيش شتيمة خالص ..الرقم ده ..للمحترمين الى بيغلوا التسعيرة او مخالفين ..وبعدين ادعى ربنا فاتورة الكهربا ترخص فى الصيف ..انت دايما متشائم خالص ..وسلبى ..وبعدين ايه حكاية المدارس الدولية يا عمم مايغلوها ان شاءالله 20%.انا اعرف ناس مش عارفة تدفع مصاريف الكتب اللى هى 60 جنيه تقريبا ..دول ياعم محمد بيدفعوا بالدولار وبيكسبوا كتير وبيصيفوا فى مارينا ..وعندهم عربيات حديثة ..ومتجوزين مزتين على الاقل ..وستات .الا فرانكا ..وبياكلوا لحمة كل يوم .خلتنى بقيت قاسم السماوى ...وعلى رأى فريد الاطرش خليها على الله على الله مشيها ويللا ..خير ان شاء الله والصبر مفتاح الفرج

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة