قال الدكتور خالد غريب، استشارى النساء والتوليد، إن مشكلة حقنة الـRH تتمثل فى أن الحامل عندما تولد أول طفل لها ولا تأخذ الحقنة بعد الولادة، يكون لديها RH سالب وطفلها يكون بـRH موجب، وعندها يبدأ الجسم بإنتاج أجسام مضادة بعد الولادة الأولى، وعند ولادة طفل آخر تهاجمه الأجسام المضادة بالجسم وتؤدى إلى تشوه الطفل داخل رحم أمه.
وأضاف غريب، أنه يرسل الكثير من الأشخاص بتقرير لصرف الحقنة من المصل واللقاح ولكن لا يجدون الحقن أحيانا لنقصها، وإذا وجدوها فى الصيدليات الخارجية تكون غالية جدا، وبالتالى لا تحصل الأم على الحقنة وتلد طفلا بمضاعفات صعبة تتمثل فى تورم فى الجسم والخلايا ومن ثم يتأثر ويموت، لأنه يعانى أيضا من ماء تحت الرئة والبطن والمخ وذلك يتعارض مع إمكانية حياة الطفل.
كما حذر الدكتور أيمن هانى، مدرس واستشاري أمراض النساء والتوليد بكليه الطب القصر العينى، "المشكلة أن الوقاية سهلة من المرض، وذلك عن طريق توفر الحقنة، لكن العلاج مستحيل فلا يمكن التخلص من الأجسام المضادة التى تكونها المناعة وبناء عليه يحدث مضاعفات كثيرة للطفل الثانى، ونسبة أنه يعيش تكون من 30 لـ 50 % وإن استمر يعيش بأمراض وتشوهات.
فيما أوضح الدكتور محمد النشار، أن الآثار المترتبة على اختفاء حقنة ال RH من السوق، أن لا تستطيع كل أسرة إلا إنجاب طفل واحد، لأنه فى حال تكوين أجسام مضادة لدى المرأة بعد حملها الأول سيرتفع نسبة موت الطفل الثانى كثيرا إذا كان لديه RH مختلف عند الأم، وذلك لأن الأجسام المضادة ستهاجم الطفل وتكسر الدم مسببة أنيميا حادة يموت جراءها الطفل الثانى داخل الرحم أو بعد ولادته لأنه لم يحتمل كمية التشوهات والمضاعفات التى سيولد بها ولا تتمكن الحاضنة من توفير الوضع الصحى الذى يحتاجه.
عدد الردود 0
بواسطة:
Ibrahim
لطفك يارب
ياناس ما جداتنا وجدات جدات جداتنا كانوا بيحملوا ويولدوا ولا عمرهم سمعوا عن حقنة ال RH ولا حتى الولاده القيصرى وكانت الناس صحتها زى الفل.
عدد الردود 0
بواسطة:
بنت مصرية
للأمانة العلمية !!
المعلومات الواردة فى التقرير منقوصة , والله اعلم هى منقوصة ليه , ونقصها أدى الى خطأها !! لما حد مننا بيعمل فصيلة دم , مش بيتقالله مثلا فصيلتك A موجب , أو سالب , الموجب او السالب ده هو عامل R H , R H او عامل ريسس هو اللى بيحدد اذا كانت الأم محتاجة تاخد حقنة R H بعد ولادة اول طفل وللا لأ , بمعنى انه اذا كانت الزوجة بتحمل R H سالب هنا بس هتحتاج حقنة بعد اول ولادة و الا فالطفل التانى لها هيموت اذا كان زوجها R H موجب ,ودى حالات قليلة وطبيب النسا اللى بيتابع الزوجة بينبهها لده , اما لو الزوجة R H موجب وده الغالب فهى ممكن تخلف عشرين عيل عادى جدا من غير حقنة R H , هى الفكرة كلها ايه , ان لو الزوجة سالب , فطفلها هيورث ال R H موجب من أبوه لأنه السائد , وبالتالى جسمها هيعتبر الطفل ده كائن غريب عليه ويقاومه فالجنين يموت , وده على فكرة السبب اللى كان بيخلى بعض جداتنا يا استاذ ابراهيم يقولولك فلانة خلفت اول عيل وبعد كده بقت كل ما تحمل تسقط او العيل يموت , وكانوا بيرجعوا ده لأسباب زى الحسد والمس الشيطانى وخلافه !! فالخلاصة ان اختفاء حقنة R H هيخلى الزوجات صاحبات R H سالب بسسس هما اللى ميقدروش يخلفوا اكتر من طفل واحد , انما بقية الزوجات الموجب وهما الغالبية العظمى , فهيخلفوا عادى جدااا طفل واتنين وتلاتة وعشرة , فمش علشان نخلى الناس تقلل النسل نقوم نفهمهم معلومات غلط !! الخلاصة ان نقص حقنة R H مشكلة بس بالنسبة للزوجات السوالب اللى مسبقلهمش اخدوا الحقنة , يعنى اللى لسه مخلفوش او لسه حوامل فى اول طفل , لأنهم مش هيقدروا يخلفوا الطفل التانى الا بعد ما ياخدوا الحقنة دى , انما الزوجات الR H موجب ملهمش دعوة بالمشكلة دى خااالص !!