فيسبوك
واتساب
طول عمرى عايش أنا وأنت
محمود ومصاحب مينا.
طول عمرى عايش أنا وأنت
ولا فى فرق فى أسامينا.
وفى نفس الحى اتعلمنا
جامع وكنيسة حوالينا.
وفى فرحك أنا أول واحد
علقت مع أخوك الزينة
وفى حزنك إيدى على كتفك
ودموعك و لا يوم ترضينا.
وفى عيدنا يومها كان والدك
من بدرى بيجى يهنينا .
وفى حزنى لقيتك على بابى
كان أول همك تواسينا.
مجنون اللى يفرق بينا
ولا حد هيقدر يهزمنا
ولا حد هيقدر يعادينا.
أنا وأنت على مركب واحدة
وهنوصل على نفس المينا.
