نفسى يا دنيا تحنى عليا مرة واحدة ومتسبنيش
كفاية عليا عيشة الوحدة كفاية عنيه ما بتشوفنيش
يا ما يا دنيا آىسيتى عليا ودوقت القسوة يا ما كتير
داريتى الفرحة يا ما عليا تعبت معاكى من التفكير
كتر القسوة أثر فيا خلى الجرح فى قلبى كبير
نفسى يا دنيا تحنى فى مرة نفسى جروحى متوجعنيش
و كفاية عليا عيشة الضلمة كفاية عينية مبتشوفنيش
أبوس أيديكى عليا تردى هو انتى ليه مبتسمعنيش
كفاية معايا يا دنيا تعاندى كفاية عليا ما تخنقنيش
طموح محبوسة جوة عقلى وجروح فى قلبى عالجنبين
أمتى الفرحة تيجى تاخدنى دانا مستنى بقالى سنين
خايف بكرة طموحى يسيبنى وعمرى الباقى أعيشه حزين
يللا يا فرحة تعالى خدينى أعيش فى الدنيا مع العايشين
نفسى فى مرة تفتكرينى نفسى تخف دموع العين
قلبى بقاله سنين بينادى وانتى غايبة عنه فين
شوقه ليكى شىء مش عادى غيبتى عنه يا فرحة سنين
أبوس إيديكى عليا تردى، ردى عليا وما تسبنيش
كفاية يا دنيا فيا تعاندى حرام عليكى سيبينى أعيش
تم أضافة تعليقك سوف يظهر بعد المراجعة