جفاف الجلد والقشور من أكثر المشاكل اللى بتواجه البشرة فى الشتا، علشان كده هنقولك على 3 مواد طبيعية فى برنامج تجميل خاص اعتمدى عليها وانسى التقشفات.
الترمس المطحون: ممكن تطحنيه فى البيت أو تشتريه من عند العطار مطحون جاهز، وممكن تضيفيله زبادى أو ماية دافية وتدلكى به بشرتك علشان تزيلى الجلد الميت.
زيت الزيتون: بعد ما تخلصى جلسة التقشير بالترمس، هتلاحظى إن جلدك مشدود علشان كده متتردديش فى تدلكيه بزيت الزيتون وسبيه على بشرتك نص ساعة واغسليه بمايه دافية.
الجلسرين: فى نهاية وقبل ما تنامى حطى الجلسرين على بشرتك ومتشليهوش إلا الصبح.
وعلى فكرة لو قررتى البرنامج ده مرة فى الأسبوع هتتخلصى من أثر الشتا نهائى على البشرة .
تم أضافة تعليقك سوف يظهر بعد المراجعة