من مية القناة الصبحية حبيبتى بتغسل شعرها
خير القناة بحضن الأمل فى سباق يخطب ودها
ايه الحلاوة دى كل الجمال بيرقص على شطها
لابسه تاج النصر بعرق أولادها والفخر مهرها
***
يامنسى قلبى لفراقك لا ينسى وانت دايما موال
امك بتخلد اسمك بيردده الطير نكاية فى الاندال
اخوك ابانوب امكم خلدت اسمه لشمس الاجيال
رمل سينا بيهتف بيكم راسم تاج للنصر واجلال
***
والله لو واحد حكى وقال انا كنت هقول لأ لأ لأ
لكن لما العيون شافت اتكحلت واتزينت بالحق
اربع انفاق سبقوا الزمن فى عين حسود تندق
سينا بقت حى من اسوان لازقه فى قلوبنا لزق
***
من غليون لقناة السويس ياشقاوة كل الاسماك
الخير ادانا ميعاد نتقابل على شط ارزاقنا هناك
ايش قاروص وحنشان وجمبرى ماليه الشباك
وست البورى بترقص قالت من بدرى باستناك
***
القاروص كأنه بيلعب مع الزمن بكمال اجسام
والبورى كأنه سهانى واكل من البناية الحمام
والبلطى حاضن رفيقته مع غنوة فرح انسجام
الحنش لابس عبايتة الخضرا لكل سمين امام
***
والله لو واحد حكى وقال انا كنت هقول دا معر
زى حكاية زمان من عسل وطحينة يعملو بحر
وأصبح اقف فى طابور العيش اغمس به المر
كلام الليل زى الزبدة يطلع النهار وتلاقيه شر
***
طب والله انا على كل السنين اللى فاتت بكيت
ضاع العمر ياولدى بوعود قالوها كيت وكيت
ودانى صرخت كفاية انا لوهمكم خرابة وبيت
فات العمر ياحفيدى بمسرحية زعيط ومعيط
***
بغياب عقولهم بسوء ظنهم بيعايرونا اننا فقرا
نسيوا احنا مين وبسواعد اولادنا للخير وزرا
مصرنا غنية بشبابها احنا للعالم بالخير سفرا
ياسيسى الامل بيك يطرح الف شجره وشجره
***
على ارضنا نبنى وعن حقنا بكل ارواحنا ندافع
خير اجناد الارض شبابنا اسألوا تاريخ الوقائع
من مات دون حقه بالجنة وشريعة كل الشرائع
يارب استودعك مصرنا منا عندك خير الودائع
***
