الإرهاب لا دين ولا ملة
أيوه بجد عدو البشر
عمال يقتل وبيتمرد
وبيتباهى وبينتشر
ممكن تبقى فى حالك ماشى
تلقى الغدر عليك انتصر
أصل الغدر ملوش مواعيد
بس الحق فى يوم منتظر
الإرهاب له مليون معنى
إرهاب داخل يشطر شطر
وإرهاب جوه كنيسة ومسجد
ناس تمنعنا بأشكال خطر
إرهاب جوه البيت موجود
وإبنك شخص جديد مختلف
ناس مجرمة وبتمسح مخه
عايزاه قاتل محترف
الإرهاب عمره مابيفرق
ولا بيميز من قسوته
إذا كان طفل وست وشيخ
أو حد يعارض فكرته
صنف جبان موصوف بالغدر
ولا بيميز جنس ولون
دايما كل طباعه القتل
أصله م الصنف الملعون
عشنا سنين وسنين بنعانى
من شرذمة المغتصبين
شفنا معاهم أوقات صعبة
وبيداروا بإسم الدين
الإرهاب موجود وبيكتر
لازم فيه حل يوقفه
مش هنعيش كده فى إستسلام
ولا هنطاطى وهنصرفه
عدد الردود 0
بواسطة:
سهام عبد المقصود
مبهر كالعادة
الله عليك جميلة تسلم الايادى