فيسبوك
واتساب
ياللى بتلوموا بلاش تلومو كتير علينا
وقبل ما تلوموا شوفوا الظروف وإيه اللى فينا
الدنيا صعبة وخدانا منكم حاجات كتيرة
عملانة لعبة خلت ضميرنا وقلوبنا عيرة
انا باشتكيكم زى ما انتو بتشتكونا
آه لو فهمتم يوم قلوبنا --كنتم فى عيونكم أوام هتشيلونا
اوعوا تئسوا بس فى يوم وتسيبونا
عشان لو ندمتم ساعتها أبداً مش هتلاقونا
سيبوا مابينا خيط رفيع نداوى بيه جروح السنين
نخيط بيه ثوب مقطع -- ندارى بيه الشوق و الحنين
محتاجين يا ناس قلوبنا تطرح حب تانى من جديد
وتبطل قلوبنا تخدع ونحارب كره عمَال يزيد .
