فيسبوك
واتساب
الدراهم كالمراهم
تشفى القلب العليل
وتقصر الليل الطويل
تخلى الحلوة تميل
والوحش يبقى جميل
تبقى باشا مش عويل
تفتح أى سكة وسَّبيل
وتبقى فى أى مكان تقيل
الدراهم كالمراهم
تخفى العيوب
وتدفى الجيوب
تقرب القلوب
وتخليك محبوب
تفتح لك كل الدروب
وأى خلاف فى لحظة يدوب
تلبس أحلى ثوب
وتركب أحلى ركوب
تحقق المطلوب
ولا شى يبقى محسوب
الدراهم كالمراهم
تخبل العقول
وممكن تخليك غول
ما تخليك لحظة معزول
وعلى طول مشغول
عندك كل الحلول
لأى زنقة على طول
تسمع الكلام المغزول
وأحلى كلام معسول
وف أى حته لك قبول
الدراهم كالمراهم
تملك أى مفتاح
تداوى أى جراح
تعيش بيها الافراح
وتنام وانت مرتاح
تعيش فى براح
واى هم ينزاح
الدراهم كالمراهم
تخليك من الملوك
تملك كل الصكوك
حتى لو كنت صعلوك
ولو عايز تروح المكوك
راكب الصاروخ يودوك
الدراهم كالمراهم
تعدل أى حال
ترسم الآمال
وتحقيق المنال
تزيل الاحمال
ما تشوف الاذلال
ولا الاهانة والاستغلال
ولا الغربة والترحال
ولا تبعد بالانعزال
وأى شيء محال
يتحقق فى الحال
بس أهم شيء
تيجى بالحلال
وستر وصحة وراحة البال
