فيسبوك
واتساب
حياتك قطر وبيعدى
يا تلحقه يا متلحقوش
كل اللى دققوا مع الدنيا
أصلاً معاشوش
عيش اللحظة بلحظتها
وكل حاجة ليها وقت
متسبقش كل الأحداث
وترجع تقول انا اتخنقت
كل شىء له أوانه
وكل حاجه ليها سبب
عيش كل يوم بيومه
احسن ما التفكير يتعبك
خليك ازكى من الدنيا
واقوى من الزعل ١٠٠ مرة
متمثلش إنك فرحان
وإنت مكسور فعلاً من جوا
اشكى واحكي
حتى لو مع نفسك
عايز تبكي
فأبكى لربك
دنيا عايزة قلب شجاع
يقدر يستحمل اى وداع
يقدر جداً يفارق
ويقول بلاها اوجاع
يقدر ينسى بسهولة
و يطنش و يعدي
يقدر لو وقع يقوم تاني
لان العمر تملى بيجري
دنيا دى مراكب سايرة
و الكل فينا بيرسى على شط
قليل اوى اللى يكمل لاخر
دا لو لقيت اصلاً حد
الحياه كلها محطات
و الناس كلها فترات
و بين هنا و هنا
بنعمل احنا ذكريات
