داعب النجم المصرى محمد صلاح، المحترف فى صفوف فريق ليفربول الإنجليزى، عدداً من أصدقائه بالمنتخب الوطنى، منهم عمر جابر وأحمد حسن كوكا ومحمود تريزيجيه وأحمد الشناوى، من خلال بث مباشر بالأمس، عبر حسابه الرسمى على إنستجرام.
وظهر صلاح فى أحد الأماكن يظهر فى خلفيته سقوط الثلوج، قائلا، "أنا هنا عشان أريح دماغى شوية"، مضيفا، "وحشنى يا تريزيجيه كان نفسى أكون فى المعسكر عشان خاطرك أنت، بس قولت أجى مكان اتبسط فيه"، كما داعب صلاح أحمد الشناوى، حارس مرمى الزمالك، قائلا، "أول مرة من 6 سنين الشناوى يكون لوحده فى المعسكر، بس هو خايف يكتب هنا عشان إحنا زعلانين من بعض".
وقال صلاح لأحمد حسن كوكا، المتواجد حاليا فى معسكر المنتخب استعدادا لمباراة غانا، "المعسكر عامل أيه من غيرى يا كوكا.. قول الحق".
وحول رأيه فى تى شيرت المنتخب بكأس العالم، قال صلاح، "والله العظيم ماشوفتهوش لسه لحد دلوقتى"، وردا على أحد المتابعين، لو أضاع ركلة الجزاء أمام الكونغو، قال صلاح، "كان زمانك أصلا مش بتكتب ليا دلوقتى"، مضيفا، "وقت الإجازة لازم الواحد يقرب شوية من حبايبه".
