خالد صلاح

مينا جميل يكتب : عمر اتسرق

الأربعاء، 08 نوفمبر 2017 08:00 م
مينا جميل يكتب : عمر اتسرق قلب
إضافة تعليق
عمر اتسرق 
مابين الم ودموع وحزن ومرار كتير 
قلبى اتحرق
وسط الخداع وم اللى باع سابنى ف ضياع
تايه م بين حبة ورق..
من امتى كان قلبى بينبض بالفرح
من امتى كنت بعيش بقلبى 
م انجرح 
العمر كان مرسوم بضلك 
والنبض كان عايش بأنفاسك 
ياروحى بعد منها ايه فاضلك
غير دايقة موت والحسرة احساسك 
جوه السكات بغرق وبدفن صرختى 
وسط الدموع عايم ومرة دمعتى 
بين الحصون محبوس والنار محاوطانى 
تنهيد وغل وألم ومرار دول كل اوطانى 
بتخيلك واحضن سراب واشم احضانى 
قال ايه كأنك جوة منى بس انتى سايبانى 
صوتك جرس بيدق جوة القلب فيا 
نورك بشوفه كل ليله بقلبى وبعنيا 
وحنينى ليكى سور على قلبى بقى عالى 
وعشقى ليكى قصور مرسومة ف خيالى 
لا كنت افكر يوم انك هتنسينى 
بعد اما كنتى الروح كنتى اللى باقيالي
محتار اعيش فيكى ولا أسيب كل الليالى 
محتار اكون تايه فيا وجواكى محتار اكون عايش دانا من غيرك بموت 
ولا عارف ابقى بعيد قلبى بقى مسكون
ولا حتى اقربلك عامله عليكى حصون 
ولا اشوفك من بعيد قلبك 
نسى ..مجنون
كان يرسمك بالنور بالورد والصارى 
كان يحضنك ويموووت 
من فرحته 
جواكى من غير صوت 
كان يبنى انفاسك وينام عليها كتيييير
كان يلقى احساسك مفروش ك احلى سرير 
كان يحضن الفرحه والعشق مننا يغير 
والنبضة فيه كانت محتاجة للتفسير 
كان عاشق الالوان اللى على خدودك 
كان هو بيت ليكى كان جانى لورودك 
فيكى لقى جنة .. غير فيكى م اتهنى 
ولقى كمان النور وكلام بيتغنى 
شال من عليكى السور ياصوت كما الرنة 
الذكرى فيا شوك عمال يقطعنى 
بس اعمل ايه يعنى لازم هعيش فاكر 
لو كنت يوم هنسى 
هبقى الجميل ناكر 
 

إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



الرجوع الى أعلى الصفحة