أيوة أنا أم الشهيد
ابنى تحت الطلب
دقات قلبه العنيد
تقروها فى الكتب
وحياة عزمه الحديد
أيوة أنا أم الشهيد
ولا عمره باع وخان
من كام سنة كان وليد
محتاج حب وحنان
دلوقتى أهو الوليد
راجل حر وعنيد
تتباهى بيه البلد
أيوة أنا أم الشهيد
ابنى تحت الطلب
أيوة أنا أم الشهيد
ابنى حبيبى الوحيد
واتعبت أنا فيه سنين
علمته يكون عنيد
فرحان أو كان حزين
علمته الروح ضريبة
مهما يكون الأنين
أرضه من بعد ربه
بعد الدين هى دين
إيده ف إيد اللى جنبه
حنا ومينا وياسين
قوتنا فى يد واحدة
ودا طبع المصريين
أيوة أنا أم الشهيد
أنا ابنى له عقيدة
يا النصر يا الشهادة
حب الوطن فريضة
حب الوطن عبادة
ولا ميت مليون قصيدة
توصف قلبه العنيد
ده شهيد تحت الطلب
إبنى مشرف بلاده
وإخواته والعرب
مولود من يومه حر
وشهيد تحت الطلب
ده قرة عين بلاده
وبيحلف ياعلم
يا يشرفك جهاده
ويكون لحن ونغم
تتغنى بيه بلاده
يا شهيد حاضنه العلم
من بعد طول جهاده
تتباهى بيه ولاده
والضحكة تترسم
يامصر يا عظيمة
يا خيرة الأمم
أيوة أنا أم الشهيد
ودموعى بتترسم
أنا إبنى كان وليد
للدنيا بيبتسم
جواه حب البلد
والصبر والجلد
أيوة أنا أم الشهيد
مولود أسد فدائى
على عهد أرضه باقي
فارس حارس حدودوه
وارث أمجاد جدوده
والنصر له إتكتب
أيوة أنا أم الشهيد
إبنى تحت الطلب
تم أضافة تعليقك سوف يظهر بعد المراجعة