علق إكرامى الشحات، حارس مرمى الأهلي والمنتخب الوطني السابق، على هزيمة المارد الأحمر من الوداد المغربى بنتيجة 1/0 فى إياب نهائى بطولة دوري أبطال أفريقيا، وفقدان الأحمر اللقب التاسع فى تاريخه.
قال إكرامى الشحات فى تصريحاته لـ"أون سبورت": "خسرنا بطولة لكن كسبنا احترام الشعب المغربى وجمهور الأهلى، وأفريقيا بأكملها".
وعن اتهام خط الدفاع وحارس المرمى شريف إكرامى بالتقصير، قال إكرامى الأب: "ماتحسبوش حارس المرمى والدفاع بالقطعة، وانظروا إلى التاريخ وخاصة الموسم الماضى وما حققه الأهلى من أرقام فى الحفاظ على نظافة مرماه وحصد لقبى الدوري وكأس مصر.. والأهلى كان الأقوى دفاعيًا خلال الموسم".
عدد الردود 0
بواسطة:
نبيل حسن
حارس اصيل من اصل طيب
شريف اكرامي من احسن حراس مصر ولكن يعيبة عدم خروجة من الجون داخل منطقة السته عشرة يعني منطقته ولكن بخلاف ذلك فهو وحش مثل والده
عدد الردود 0
بواسطة:
مشمش
مساء الخير على محررنا المحترم احمد طارق....😁😁
😁😁😁
عدد الردود 0
بواسطة:
د.سمير
الاستخفاف بالعقول
عيب يا كابتن اكرامي....هل يصح هذا شريف متواجد في الاهلي مجامله لك فقط شريف بامكانياته ...كويس عليه كهربا طلخا ..او تليفونات بني عبيد مارتن يول قالها صراحة "شباك الاهلي كبيرة عليك" و كوبر يبلعب الحضري الي هو في نص الاربعينات ....عارف ليه لانه احسن من شريف و مفيش وجه للمقارنه اساسا.... لكن طبعا عندنا في مصر الواسطة و المجاملة الاول علي حساب الوهبه و الكفاءة انت و البدري و مجلس الادارة اخركم الدوري المصري افريقا كبيرة اوووي عليكم
عدد الردود 0
بواسطة:
ههههه
علي رأي المثل الشعبي
"القرد في عبن أمه غزال" هههههه
عدد الردود 0
بواسطة:
محمد محمود خليل
كفاك أستخفاف بعقولنا
سؤال بسيط لو حارس الآهلى حد غير أبنك ياكابتن كنت هتتصدى كده للدفاع عنه ؟اتركه يشوف مصلحته فى نادى اخر واترك الاهلى يبحث عن حارس مرمى جدير بحراسة مرماه
عدد الردود 0
بواسطة:
احمد
البدرى بيجاملك عشان طلعته معاك فى فيلم يارب ولد
اهم شئ فى حارس المرمى هو سرعة رد الفعل ودى منعدمه عند شريف اكرامى دا حارس عادى واى لاعب عادى مينفعش فى الأهلى لأن الاهلى بيدور على المميزين او اللعيبه السوبر انما شريف حارس عادى جدا وحركته تقيله ومعندوش توقع بيتفاجأ دايما بالكوره حتى لو اتشاطت من نص الملعب ارحمنا وابعد ابنك عن الأهلى والله لو حارس تانى غير ابنك وحصل اللى حصل ده كان زمانك مقطع فروته فى كل القنوات والصحف
عدد الردود 0
بواسطة:
حافظ الشبراوي
الحرية المطلقة مفسدة مطلقة
أكبر خطأ ارتكبة الحارس الأوروبي شريف اكرامي أنة عاد الي اللعب في مصر الجمعور المصري عاطفي وبخاصة الأهلاوي وهو الغالبة العظمي من المشجعين ويريد ان يكوش علي كل البطولات محلية وإفريقية وعالمية ياجماعة الخير عيب التلفظ بألفاظ خارجة وجارحة ، الحرية في التعبير عن رأيك لها حدود ،
عدد الردود 0
بواسطة:
أ.. الفشليطة
التاريخ والجغرافيا
بلا تاريخ ، بلا جغرافيا ، المفروض حضرتك تعترف بضعف مستوى شريف وده ليس عيب ، اهداف كوميدية تدخل مرماه ، لا تمر مباراة إلا والكرة تزور الشبكة خلفه ، مستواه مهزوز ، رد فعله ضعيف ، تحركاته بطيئة ، يسكن تحت المرمى ولا يواجه المهاجم بشجاعة ، الخروج لمواجهة الكرات العرضية نادر جدا ، اللياقة البدنية غير مكتملة ، وبناء على ما ذُكِر لو لم يكن ابن حضرتك لم يكن مستمرا بالملاعب حتى الآن.
عدد الردود 0
بواسطة:
محمود علي - منيل الروضه - القاهرة
مستر ابو جبل ما يهزك ريح
فعلا ابنك بالاهلي علشانك وعلشان الواسطه بس هو لا يصلح حارس مرمي للاهلي ودافع عنه كمان بس منكم لله