فيسبوك
واتساب
فى ناس آسية ومش صافية --- واخدين الدنيا بالعافية
ناس لابسة وناس حافية ---- وناس طيبتها مش نافعة
ناس تآمنها تخدعك ---- وناس جروحها توجعك
ناس تصاحبها ترفعك -----وناس غاوية توقعك
ناس فاهمة ومش فاهمة ---وناس عارفة ومش عارفة
ناس شارية وناس بايعة---- وناس خايفة ومش خايفة
غيرتى يا دنيا أحوالنا -----وغيرتى معاها أفكارنا
سلمنا نفوسنا لشيطانا ----وبكل سهولة غيرنا
قلوبنا يا ناس بقت تكره ---والحب مابينا خلاص روَح
فوقوا يا ناس دى مش باقية---الدنيا خلاص بقت ساقية
بتلف بيننا عالفاضى ----ومحدش شايف الرؤية
كلها يومين والثالث ----وروحنا تفارق الدنيا
والموت يا خلق بيفاجئ ----بييجى فى أقل من الثانية
