الصُّحبة صُحْبِة دين
مش مصلحة وتروح
تحفظ عهود صحبتك
وتداوى فى المجروح
بعض الصداقة مصالح
تُذُوب فى وقت البُوح
صديقى وقت الجَدّ
يفدينى لو بالرّوح
الصحبة عهد وفعل
لؤلؤ وورد وفلّ
وصحبة تِتْمَرْجَحْ
معجونة حِـقْـد وغلّ
الصحبة بذل ومال
لأهل الوفا والخلّ
والناس فى صحبتها
مثل الثّمر والظّل
والصّداقة بدون سماحة
تِفْنَى تِـوْصل للجراحَة
الصراحة كتير بِتِهْـدم
والعتاب يِقْتِل سَمَاحَة
خلِّ قلبك يعفى دايما
خُـدْ عن اللوم اسْتِرَاحَة
كلّ واحد فينا يِغْـلَطْ
كلّ شخص وله مساحَة
تم أضافة تعليقك سوف يظهر بعد المراجعة