فيسبوك
واتساب
أنا العربى وغير المولى مابنهاب
لامن صهيون ولا من زمرة الإرهاب
أنا العربى ودرعى النيل مع الفرات
ولى زفرات بتحرق فى اللى غاوى خراب
******
أنا العربى على جناحى يطير الطير
ويرجع بالأمل تانى معاه الخير
أنا العربى جذورى فى جبال المجد
وعزمى سد وضد الرعب والأعاصير
******
أنا العربى ومن بغداد إلى الصومال
وضد المعتدين أرمى صنوف الاهوال
أنا العربى ومين شوّه فى أمجادى
من العادى يدوق المرّ والزلزال
******
أنا العربى وضد الغدر فى سيناء
معانا الله وضد الخونة والأعداء
أنا العربى ورب العِزّة حامينى
إذا حلّق غراب الشؤم بالأنحاء
