وده ذنب مين
تقتل فى واحد بيعبد ربه وعنده دين
وتبرر اللى حصل ازاى وبأى عين
الله يلعنكم ويلعن أيامكم ليوم الدين
وده ذنب مين
الدم الطاهر اللى سال على الأرض
اللى كان مؤمن وبيصلى الفرض
اللى حافظ على حرمة المكان والعرض
وده ذنب مين
كل يوم يموت كده كذا واحد
ده ايه القلب ده اللى عايش جاحد
علشان يبيح ويقتل نفس واحد
وده ذنب مين
قلوب كتيرة وعيون تعيش حزينة
أم مقهورة على ابنها وزوجة مسكينة
وأطفال كتيرة تتولد تعيش يتيمة
وده ذنب مين
بسهولة كده تخلص حياة أى انسان
على أيد ارهاب غادر وخسيس جبان
من غير سبب غير أن الدم عليه هان
وده ذنب مين
وكلنا بشر من أصل واحد من طين
وده لا موجود فى اى ملة وأى دين
ارهاب لعين ,ناس شياطين واحلف يمين
وده ذنب مين
الحزن ليه بقى يعشش فى قلوبنا
ولا ده بقى قدرنا وخلاص نصيبنا
يا رب رحمتك علينا وصبرنا
