فيسبوك
واتساب
بكره أنا رايح على وحدتى فى الجيش.
حلمى وحققته
وزى العسكرية زى الهوا و العيش .
اشيل البندقية
شيفانى يا أمى و لا ما شيفانيش .
صبحى على ابوى
و لو سأل عنى قوليلو راح سينا .
قوليلو ولدك حالف يحمى اراضينا .
وكلمى عمي
قوليلو حين ارجع أكتب كتاب بنته
ويكون معلى الزينه .
وسلمى على أخوى
مشتاق اقعد وياه
ملحوقه لما أرجع نحكى حكاوينا .
لكن الغيبة طالت
و لو تروح الروح واجب يا أمى علينا.
ابنك شهيد
لو قالوا عنى مت قولى عايش فى وسطينا .
و الموت يا أمى لبلدى أسمى امانينا .
و الدم ع البدله أكبر شرف لينا .
