فى يوم من الأيام
كــان عــنـدنـا بــيت
كـان لينا أهل و عزوة
وكان عـندنا زرع وغـيط
كان عـندنا الدنيا جميلة
الضحك فيها أجمل فضيلة
و الحزن كان يغلب فى حيلة
كان عندنا فى البيت براح
و الوحـده بيـنا كانت سلاح
وديـك يــأدن أن فـجــــر لاح
أرواحـنـا صافية وبينا الـسماح
كـان عــندنا أم أمــيره ـ
بسمـتها كانت تدفى عيلة
و أب لوحـده يسـاوى قبـيلة
كــان عـنـدنا فـى الـخــير بــراح
يـكــفى جـيرانا وحـتى اللى سـاح
............................................
فـجــأة دا كــلـه فــى لــحـظة راح
ولقـينـا وطـنـا سـداح فى مـداح
خــربت جــوانـبــه وزادت جــراح
ولا صوت بيعلا فـوق صوت النباح
غير صوت المدافع أو صوت النـواح
وســوريا اللـى كـانت منبر صـلاح
صبـحت بـخــيـبـة سـوق للـسـلاح
وإخواتى اللى كانوا زينة الـمـلاح
مـاتـت فـضيلـة و تـاهــت سـمـاح
و هاجـرت فـريدة ودبـلت صــباح
و أمـى اللى راحت فـى هـبة رياح
راحت و سابت فى قلوبنا الجـراح
و فضلت حزيـنه نـواحى الـمـدينة
على نخوة عروبة وهواة الانبطاح
تم أضافة تعليقك سوف يظهر بعد المراجعة