الغيره حب
والحب إنك تبقى ليا
وإن انتى ليا
يعنى عمر بيتقسم وبيترسم
وبنبنى فيه أجمل حاجات
والخوف وجع لو تبعدى
جوه الألم بصحى وببات
وسؤالى لو مش منطقي
هسأل عشان الذكريات
الغيرة سور
حواليكى من كل الغزاة
واللمسة منك الف آه
والصمت تأبيدة مشاعر
والقلب فى 100 ألف حاجة
مكلبشاااااه
متقولى مرة واحد لأ
وبأعلى صوتك قولى لااااااه
شيلى الضباب وامحى الغيوم
خلى السما تمطر نجوم
وارتاحى من كل الهموم
وتعالى هندوق الحياة
والحيرة نار بركان مرار
والانتظار موت بالبطئ
دى الكلمة منك بل ريق
والنظرة جيش
عامل عليا 100حصار
والرعشة نسيان الامان
والضمة بيت من غير حيطان
حتى اللى صان
مابيتقارنش بحد خان
والسما مش زى الارض
والحب ماينفع فرض
ف الخوف بنحس البرد
وأماننا بيبقى دفى
ف الوحدة بنستناه
والوفا مهواش تخاطيف
والعشق مهوش تخاريف
من غيرك ببقى ضعيف
واغرق ف بحور الآااااه
قلبك احساسه بديع
أجمل من أى ربيع
بيبان فيه لون الورد
من غيرك لحظة بضيع
بنزل م السما للأرض
الغيرة دى أصلا ف العشاق
لازم تتقنن فرض
تم أضافة تعليقك سوف يظهر بعد المراجعة