فيسبوك
واتساب
يوم السفر
كان نفسى تقول فى أمان الله
الله معاك
يوم ما الغريب يرجع يسافر
بالوجع جواه
آه
مهو ربنا معاه
بيك او بغيرك
ومعيته مع الله
مش معاك
ودعوتك له بدون صفاء نية
دعواك
لا هتقدم ولا تأخر
بس القصد
يوم ما يتحول الكلام لمسواك
وتتعطر
وتقول كلام معسول
يعنى من هنا وهناك
من غير نقاء ولا وضوء للقلب
ورغبة من جواك
رحمتك يارب
رحماك
الناس بتصلى
وتتمسوك كلام حب
من غير وضوء قلب
وتقول عشقاك
من غير ما تغسل قلبها م الكدب
وتنضفه من الأشواك
وشباكها منصوبة
قدامك ووراك
تصطادك وتضحك
وتتفرج على بلواك
اه
وتغنيلك كمان اغنية
انا بستناك
انا بستناك
وليلى شمعة
سهرانة فى ليلة حب
والخد شباك
كل الحكاية انك مخدر
وقنطرة ومعبر
فنجان قهوة مش اكتر
شارباك
وتشوف بختها فى فنجالك
تفتكر ك فى وشك
وتتذكر
اما الحقيقة
فى قفاك
نسياك
