خَلى بالك يا بلادى --خَلى بالك من ولادى
أنتِ روحى وأنتِ زادى ---وفداكى دمى يا بلادى
خلى بالك يا حبيبتى ---من أبويا وأمى وبنتى
خلى بالك يا بلادى ---من أخويا وأختى وابنى
حقى فى رقبتك أمانة---- وأمانة تفرحيهم
وقوللهم يوم القيامة هاقابلهم --صبريهم
خذى بتارى فرحيهم --امسحى بإيدك عينيهم
حُطى فى إيدك إديهم ---وبحُبك حسسيهم
عوضيهم غيابى عنهم -- قوليلهم مايزعلوش
فهميهم إنى بينهم ----الرجالة مابيموتوش
قدمتيلى كل حاجة ----وفيكى فزت بالشهادة
وأنتى ليا مش محتاجة --يللى طول عُمرك ولاده
قالوا علينا ورد الجناين ---قولنا بروحنا نفديكى
ده فى قلبنا حُبك ساكن ---وروحنا ماتغلاشى عليكى
تم أضافة تعليقك سوف يظهر بعد المراجعة