فيسبوك
واتساب
هــو كـــدا !
إجابة واحدة لأى سؤال
مفيش كدا
ربنا ادانى عقل
يعنى السؤال حلال
انا انسان دم و لحم
مش حجر حولوه ل تمثال
طول ما انا عايش هادور
ع الصح م الغلط
و فى سورة العلق
نزلت اول ٱية ف القرآن
اقرأ باسم ربك الذى خلق
مش معقول بعد كلام الرحمن
اسلم عقلى أمانة
أو وديعة فى خزنة الشيطان
كل الحرام و الحلال
ممكن نعرفه
بس لازم نعبر انهار و جبال
و بالعقل و اليقين
هنوصل للحقيقة مش وهم و خيال
لازم نكسر هو كدا و خلاص
علشان نوصل للمعنى الحقيقي
ل سورة الاخلاص
