نجح الطالب كيرلس ناجح ، تلخيص يومه الدراسى بألبوم صور، فى مدرسته أحمد حلمى للغات، تعبيرا عن الروتين والمستمر حتى نهاية العام الدارسى، والتى حققت رواجا كبيرا على مواقع التواصل الاجتماعى (فيس بوك) وتفاعل رواده مع الصور المتداولة.
ووصف الطالب كيرلس ناجح، حالته فى ست صور عن كل فترة يقضى فيها وقته فى اليوم الدراسى، حيث قال «بصحى 6 الصبح طبعا بسرح شعرى و بهتم بمنظرى جدا و انا رايح المدرسة ومستنى الاتوبيس الي بيجى بسرعة رهيبة و بيبقى فاضى جدا الصبح عشان اوصل لمكان التعليم العظيم».
وتابع «طبعا مفيش مدرسة من غير طابور و تمارين الصباح اللولبية...انا عايز افهم الفكرة من 4 سقفات!! لا بقى حد يفهمني انا لما اسقف 4 سقفات الساعة 7 الصبح هستفاد ايه ؟».
وأضاف «وبنطلع الفصول بكل نظام وادامية و تحضر، مع بداية الحصص و اليوم المدرسى بعد التمارين العظيمة ندخل في التعليم بقي..ايه ده؟! فين المدرسين؟!! يوووه أصلهم نسيوا يقلولنا ان مدرسين الحصة الاولي بيجوا علي اخر الحصة بربع ساعة عشان الطريق بعيد و طبعا لسه محافظ على بسمتى و حماسى».
واستطرد «البريك اخيرا الوقت الي بترتاح فيه و تقعد مع صحا..صحااب..مش عارف انطقها بيعيط، احم المهم بفضل قاعد فوق مبتسم ابتسامة امل مش بنزل عشان الطلاب العظماء بيبقوا شوية غنم بيلعبوا فالتراب».
واختتم قائلا « و طبعا استحالة تلاقي طالب مضايق وسط فعاليات اليوم اللهلوبة دى..بس فين المدرسين؟! يوووه هو انا ماقولتش؟! معلش بيطلعوا ف اخر الحصة الي بعد البريك بعشر دقايق عشان بيفطروا...امال الناس هتتعب طول اليوم و مندليهمش غير بريك 10 دقايق ياكلوا و يرغوا فيه؟! ده حتى حرام».
