برر الطالب مناع محمد، صاحب واقعة "الحضن" بجامعة طنطا، ما فعله داخل الحرم الجامعى بالقول: "كنا قاريين فاتحة وكنا هنلبس دبل وقلت أعملهالها مفاجأة فى الكلية عندها، وكل قصدى عاوز أفرحها مش أكتر".
وقال مناع خلال حواره مع الإعلامى وائل الإبراشى ببرنامج "العاشرة مساءً" المذاع عبر فضائية دريم، إن ما فعلته داخل الجامعة تصرف عفوى، وتابع: "أنا غلطان وعارف إن ده حرم جامعى وليه احترامه، وأنا عارف إنه غلط دينى ومينفعش أعمل كده حتى لو مراتى، بس الحاجة دى جات كده بشكل عفوى، ومينفعش مستقبلى يضيع خاصة إنى فى آخر سنة ليا فى الجامعة".
وأشار إلى أنه طلب عدم تصوير واقعة الخطوبة داخل الحرم الجامعى، لكنه لم يكن يعرف معظم الحاضرين، وما فعله تعبير عن حبه لخطيبته بحسن نية، فيما أدعى إحالته للنيابة العامة على خليفة واقعة الجامعة، الأمر الذى نفاه الدكتور إبراهيم سالم القائم بأعمال رئيس جامعة طنطا، خلال مداخلة هاتفية للبرنامج، والذى أكد على أن التحقيقات معه تمت داخل الجامعة، وسيتم التحقيق معه غدا بمجلس التأديب.
عدد الردود 0
بواسطة:
الخوااااااجة يني
كده عيب
كده عيب .. ترضي الخوااااااجة يني يفرح أختك .. خلص الكلام ..
عدد الردود 0
بواسطة:
محمد ضياء
امنعوا الحب فهو إثم كبير
اولا إعلان الخطوبة أو حتى احتفال بسيط بنية الخطوبة ليس ذنب بل حب وعلاقة مشروعة. ثانيا الإحتفال كان لا يتعارض مع التقاليد الجامعية فقط ورود وبلونات ملونة ويافطات تطلب الارتباط أو تعلن الحب. ثالثا وأخيرا نعم الحضن لايتفق مع حرمة الجامعة ولا حتى أعراف مجتمعنا ولكن ظروف إعلان الخطوبة تضع هذا الحضن بمعنى مختلف وتجعل منه مشاعر سامية أراد بها الشاب إسعاد محبوبته.
عدد الردود 0
بواسطة:
مصري
شعب غريب
احنا شعب يحب يعمل كل حاجه في السر مش مهم صح ولا غلط المهم في السر تدين مظهري وفي السر كلنا قذاره يا ابني طالما انك مش بتعمل حاجه غلط ميهمكش خطيبتك وقاريين فاتحه حضنتها بحب بدون فعل خارج سيبك من الي عاملين متدينين ومحترمين و90 في المايه منهم قاعد علي مواقع اباحيه او متحرشيين
عدد الردود 0
بواسطة:
kxjqkdjfqsdkf
واحد سلفى شافه..
إعدام فى ميدان عام..
عدد الردود 0
بواسطة:
عزة حجازي
انفصام
الف مبروك لك ولعروستك ..ربنا يفرح قلبك زي ما فرحت قلبها .....وسيبك من اي كلام تاني ...أصل احنا شعب عنده انفصام في الشخصية ...
عدد الردود 0
بواسطة:
مجدى
يا حبيبى
الحرم الجامعى جعل للعلم و العلام و ساحتة ليست ملتقى للأحبة و الأحضان أرتكبت هذا الخطأ فعليك ان تتحمل رد الفعل القانون الداخلى علية من طرف المسئولين فى الجامعة ولا يوجد مبرر لذلك....... و كما قالت سما المصرى لتامر أمين البس علشان خارجين
عدد الردود 0
بواسطة:
nabel
يا ابنى محدش يرضى يتجوزها لانها سابق احتضنها
افرض ان سيادتك معرفتش تكمل الجوازه ودا اكيد لانك لسه صغير تبقى انت قضيت على مستقبلها مش فرحتها
عدد الردود 0
بواسطة:
mango
غلط واعتذر اكتب عليها يا ابنى
الفنانين وما يقدموه لنا دا يبقى ايه نيابه برضه
عدد الردود 0
بواسطة:
عماد
"أنا غلطان وعارف إن ده حرم جامعى وليه احترامه
الطالب اخطأ واعتذر ونرجوا من مجلس التأديب استعمال منتهي الرأفه معه كأبن لهم وخير ان تخطأ في العفو بدل من ان تخطأ في العقوبه
عدد الردود 0
بواسطة:
فرعون
مهذب
انت انسان مهذب و اعتذرت و ده شئ يدل على انك متربي تربيه صحيحه. فعلا احنا بنعمل كل الخطايا فى السر. انتشار التدين المظهرى سبب كل البلاوى. شيوخ و سلفين و إخوان و الأخلاق فى تدهور.