اتنفس كدب
أنت وهما
اتنفس كدب
متروح الروح إلا لخالقها
متروح الروح
وفى قلب الضلمة يبوح
صوتى بعزم مابيه
دى الدنيا دنيئة ومتفاتة
ايو الله يابيه تتعب وتحارب ع اللقمة
والقرش جبان
تنزل ع السوق أنت وهو دكان دكان
والبايع واقف وبضاعته واقفين فرسان
فى وش قرش جبان
وتشوف صورتك
معكوسة ع إزاز الفتارين
ملامح نحتها الشقا من
وأحنا صغيرين
قرش الشقا جبان
مهزوم زيادة عن اللزوم
بضايع فى الفتارين
وضايع منك سنين
وفِى أيدك عيالك
وعيونهم محرومين
فرحة هدمه جديدة
أو لعبة لليلة العيد
بتفرض عليك الحاجة
أى حاجة
وكل حاجة و ليها حاجة
دايماً الحاجة بضيع طعم كل حاجة
بنستأذنك يابكرة فى ضحكة بس تكون من القلب
ولو ممكن تطلع لتكشيرة تأشيرة هجرة بلا عودة يبقى جميلك على راسي
تم أضافة تعليقك سوف يظهر بعد المراجعة