فى طريق الواحات ، بعد العصارى والمغربية
الشمس غابت وغاب معاها نور عينيا
مات حبيبى وسابلى روحه عايشة فيا
فرحانة بيه دى الشهادة دى أحلى هدية
من غير لا رحمة و لا أى حتى إنسانية
غدروا بيه العصابة الارهابية
متوحشين و اللى تاعبنى إزاى نسيبهم
قتلوا ولادنا و احنا امتى هنحاسبهم
أعدموهم ريحونا و حسوا بينا
سرقوا مننا روح قلوبنا ونور عينيننا
الأمومة طالبة منكم تار ولادها
خدو بتارها وطفو بيه نار عذابها
بقالها فترة عمالة تصرخ بأعلى صوتها
مين سمعها وخلاها تفرح بتار ولادها
ابنها اللى مات ده كان كل حاجة فى حياتها
عوضوها عنه، عن جزء منها راح و سابها
دى الاسم عايشة و حياتها بعده متساويش
رفضاها خالص و القلب رافض يا ناس يعيش
تم أضافة تعليقك سوف يظهر بعد المراجعة