طول عمرى شقيانة، أخذت على شيل الهم والشغل من بدرى، بخرج من الساعة 2 منتصف الليل لجمع القمامة من الصناديق عشان أكل أخواتى الصغار، مسئولين منى، ويوميتى 40 جنيها مبتكفناش نأكل أنا وأخواتى، بهذه الكلمات روت "هايدى وائل" ابنه مدينة كفر شكر بالقليوبية، البالغة من العمر 15 عاما، قصة كفاحها من أجل الحصول على لقمة العيش وتربية أشقائها الصغار.
وقالت "هايدى" طول عمرى شقيانه، وبجرى على لقمة العيش بأى وسيلة حلال، من أجل الإنفاق على أشقائى الصغار، ووالدى ووالدتى، حيث إننا 4 بنات، ووالدتى تعانى من إعاقة "خرساء"، ووالدى لا يملك وظيفة ولا أى شىء.
وتابعت "هايدي" كل يوم بخرج من الساعة 2 بعد منتصف الليل إلى الظهر، بقوم بالتجول على جميع صناديق القمامة ببنها وكفر شكر، لجمع القمامة، وبستأجر موتوسيكل بـ70جنيها يوميا، لكى يسهل لى عملية نقل القمامة إلى تاجر الخردة، ثم أقوم ببيعها له وأقوم بفرز القمامة، وبتكون يوميتى بعد دفع أجره "الموتوسكيل" 40 جنيها، وأحيانا يقوم أشقائى الصغار ووالدى بمساعدتى، لكى نزود اليومية.
ورددت هايدى قائلة "والله اليومية ما بتكفينا أكل بس هعمل أيه"، مفيش معاش لينا ولا حتى شقة تلمنا أنا وأخواتى البنات، ووالدتى عملة قروض عشان نقدر نعيش.
وأضافت "هايدى" أنها وأسرتها تعيش بكشك، تم أخذه من قبل محافظة القليوبية، وهو كشك خشبى ليس به سوى مرتبة ومخدة على الأرض، تنام هى وأسرتها فيه.
وتابعت "أحنا غلابة والشتاء قادم وعايشين فى كشك كأننا بنام فى الشارع، عايزة معاش نصرف منه أنا وأخواتى، وشقة تسترنا".
هايدى أثناء عملها بجمع القمامة
أثناء جمع القمامة
الكشك الذى تعيش فيه
أثناء ركوب الدراجة النارية للذهاب للعمل
هايدى وأشقاؤها الصغار أثناء العمل
عدد الردود 0
بواسطة:
khaled
الصحفى صاحب الخبر دة..ربنا يكرمه ويستر عرضه وعرض ولاده
ربنا يكرمك وينولك الى فى بالك ..وميخلكش تشوف يوم شقا فى حياتك..ويرضيك ويراضيك ويهون عليك الالم والمشاكل والضغوط ويفرج عنك الكرب..زى منتا بتفرج كرب عن ناس وبتحاول تنقذهم وتبنى ليهم مستقبلهم عن طريق نشر مشكلتهم ومعاناتهم اللى محدش بيحس بيها
عدد الردود 0
بواسطة:
محمد مشعل
نرجو من اليوم السابع نشر رقم تليفون محمول لتيسير الإتصال بهذه الأسرة
والله العظيم حرام ... لما تلاقي 2 موظفين في شركة بترول يسرقوا 960 مليون دولار أي نحو 16896 مليون جنية ولو فرضنا أن الشقة التمليك تساوي 100 ألف جنية فإن هذا المبلغ يساوي عدد 168960 شقة وهذه الأسرة عددهم 6 أفراد فإن هذا المبلغ قادر علي أن يحمي عدد 1013760 فرد مصري من البرد ومن البيات في الشارع ... لكني أيضاً ألوم الأب الذي ليس له مصدر دخل ثابت ولا مقر ثابت للحياة ومع ذلك خلف 4 عيال ... لا حول ولا قوة إلا بالله ونلاحظ أنهم كلهم بنات ويبدو أنه كان يريد أن يجب ذكراً مع أن بنته الكبري بمائة رجل ... بل أرجل منه ... اللهم ارزق من يعطيهم من أوسع باب رزقك يا كريم ... يا رب حنن علي هؤلاء الضعفاء ... إنت الكريم يا رب
عدد الردود 0
بواسطة:
محمود المصرى
هي دي الصحافة اللي تشرف
بجد حاله تقطع القلب انا اعرف الاسرة دي عن قرب البنت دي عندها عزة نفس غير طبيعية وبترفد تاخد تمد ايديها لحد وشقيانه من وهي طفله
عدد الردود 0
بواسطة:
محمود المصرى
بنت فعلا ب ١٠٠ راجل
انا اعرف الاسرة دي عن قرب البنت دي عندها عزة نفس غير طبيعيه وشقيانه من وهي طفله وفعلا ب ١٠٠ راجل
عدد الردود 0
بواسطة:
محمود المصرى
نداء الاستاذ عمرو اديب
ارجو استضافة هايدى البنت دي فعلا نموذج يجب أن يدرس جدعنه وشقيانه وبتجري على اخواتها وعايشين في كشك وشقيانه بجد وعمرها ما مدت ايدها لحد انا اعرف الاسرة دي كويس جدا وتحياتي للصحفيه المحترمه نفين طه التي قامت بعمل التقرير
عدد الردود 0
بواسطة:
محمد
ارجو وسيلت اتصل بيهم
ارجو وسيلت اتصل بيهم من اي حد يعرفهم
عدد الردود 0
بواسطة:
مصطفي عبدالنبي مفتاح
أرجوكم رقم تليفونها
بجد نفسي أساعدهم عايز رقم تليفونهم وشكرا