عيونك هى السعادة
شبه الموسيقى جذابة
دى نغم وإحساس وبحور
ولغة ونور وكتابة
رموشها زى وتر العود
ترد فيا الروح وليا تعود
لما تشوفنى بعينها بفرح
وعلى طول فيها بسرح
جميلة رقيقة بطبعها
بتوفى من غير وعود
دى بتهمس
دى بترقص
دى تجنن
لما ترقص وتميل
ويا سلام لما معاها
بتكلم والليل يليل
دى العمر مهما طال
معاكى يا روحى قليل
دا الكون كله بيتغير
وبتضمنى لحضن حنين
وبتبوسنى بوسة
طفل برىء صغير
وأى هم معاها بيبقى هين
ما أقدرش اتخيل ثانية
وهى بعيد عن عينيا
ما أقدرش ........ما أقدرش
دى حقيقة من غيرها ما أعيش
ما أقدرش ما أقدرش
ومن غيرها حياتى مافيش
دى زى العطر ريحتها فواحة
وافتكرت لما لمست ايديها
حسيت يا قلبى براحة
ضميتها ليا ومش هسيبها
حتى لو كل كنوز الدنيا
حواليا
