فيسبوك
واتساب
كنت بعشق حد بايع
كنت عايش بس ضايع
كنت تايه فى الشوارع
كنت ناسى ابقى مين
حتى اسمى كنت لما
حد يسأل اقوله سين !!!
كنت فرحة لكل واحد
بس من جوا حزين
اه يا قلبي
كنتى جنبي
كنتى وردة لونها بمبي
كنتى ضحكة فى النهار
تشفى القلب العليل
كنتى شمس فى وسط ليل
كنتى كنتى فعل ماضي
بس انا دلوقتى عادي
وانتى حتى بقيتى عادي
يعنى غايبة زى حاضرة
ارض بور او حتى خضرة
مش حتفرق
قلبى قرر مش حينبض
لما حتعدى قصادي
قلبى رافض للحنين
