ولا يهمّك كلام الناس
كلامهم كدبه مش أكتر
كلامهم وسوسة خنّاس
لا بتقدّم ولا تأخّر
مادام قلبك قوى الباس
وتوبك أنقى متعطّر
وحرفك فى الكتب نبراس
فخلِّ الأفعى تِتْوتّر
تعود بالخيبه والإفلاس
هتندم يوم وتِتْحَسّر
هتهدم جحرها بالفاس
يدوسها العالى والأصغر
كلام الناس يهدّ الراس
لو انت زعلت وجاريتُه
سقيته لِوَرْدَهْ ويّا الآس
يموت الزّرع ف بدايتُه
تلاقى الفرحه والأعْراس
مياتم تِحْكِى ف حكايته
ويفرح بالأسى وَسْواس
يقول أبدعت ف نهايته
كلام الناس ما هو مقياس
بدون تقوى مع كِتَابْتًه
مطامعْ تِمْدَحِ الكرّاس
لحدّ ما تَشْتِهِرْ حَالْتُه
أعوذْ بالله من الدَّسّاس
من الكدّاب وِمِنْ غايتُه
تم أضافة تعليقك سوف يظهر بعد المراجعة