خالد صلاح

برعاية سوبر كورة

سوبر كورة

محمد صلاح العزب

العملة الصعبة.. والجنيه السهل «الممتنع»

الإثنين، 09 يناير 2017 05:27 م

مشاركة

اضف تعليقاً واقرأ تعليقات القراء
زمان كان الدولار هو العملة الصعبة، لكن فى الأيام الصعبة أى عملة بقت صعبة، حتى الشلن النمساوى، ولا الين اليابانى، الجنيه بقى أسهل حاجة قدامهم، ما بيصعبش غير علينا، واللى يصعب عليك يفقرك.
 
المشكلة، إن العملة الأصعب جدا دلوقتى، وبقت أصعب من الدولار واليورو، هى الطاقة الإيجابية، شحت من السوق، واختفت تماما من الشارع، تدوّر مهما تدوّر حواليك مفيش أى طاقة إيجابية.. أصل هتيجى منين، الظروف صعبة، ومش باين لها حل قريب، والله أعلم إذا كان فى أمل بعيد ولا لأ.
 
زمان كان يقولك فى نقطة نور فى آخر النفق، دلوقتى أنت مبقيتش بتسأل على نقطة النور، بقيت بتدعى ربنا إن النفق ما يقعش على دماغك، بس مش مهم، مطلوب منك تتفائل، وتضحك، وتبث طاقة إيجابية فى نفسك وفى اللى حواليك.. بتعرف تبث؟!.. بث، ما بتعرفش تبث.. هيتبث لك.
 
بص، إحنا خلاص هو ده نصيبنا، ما تقلبهاش غم بقى، آدى الله وآدى حكمته، أيام وبنعيشها على رأى الأغنية، لا تكشيرتك، ولا اكتئابك، ولا شيلانك الهم هتعدل المايلة، هى ماشية كده ببركة ربنا، فسيبها على اللى خلقها، واعمل اللى عليك، واشتغل واسعى، واقعد ع القهوة شكك، واضحك ع النكت البايخة القديمة، علشان حتى النكت خلصت.
زمان الجنيه كان بيغلب الكارنيه، دلوقتى الجنيه ألف رحمة ونور عليه.

مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

sameh

فى الصميم

كلامك سليم مائة بالمائة ولكن كنت اتمنى لو تجيب لماذا نحن وكيف وصلنا الى حالة الاحباط ، الاجابة واضحة ولكن لايستطيع احد النطق بها ، انها الحكومة التى تقتل اى عمل جاد ووظيفتها التحصيل فقط لاغير وياليتها تراعى العداله ، هل تعلم ان الضرائب رسميا 22.5% ولكن واقع الامر تكلفة اى منتج نصفة تكاليف ونصفه رسوم حكومية ويمكننى اثبات ذلك اذا بمنتهى البساطه لماذا اعمل ؟؟؟؟؟؟؟؟؟؟؟؟ هذا هو حال المصريين الان انى اطالب وبشدة والان وليس غدا رفع القيد عن المنتجين الحقيقيين فى هذا البلد لنستطيع المنافسه ،،، ان اى منتج مستورد رغم الجمارك ارخص من المحلى مع فارق الجودة اين الفرق ؟؟؟؟؟؟؟؟؟؟؟ اصحوا ياحكومة خلاص الانتاج سيتوقف تماما ،،،، لابد من حزمة مزايا للمنتجين الحقيقيين فورا والا سنجدهم فى جبل على وقبرص واسرائيل

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة