خالد صلاح

برعاية سوبر كورة

سوبر كورة

محمد صلاح العزب

اضحك مع مصر

الثلاثاء، 31 يناير 2017 10:00 ص

مشاركة

اضف تعليقاً واقرأ تعليقات القراء
أكتر حاجة مضحكة ممكن تقرأها اليومين دول هو خبر إلقاء القبض على مواطن انتحل صفة وزير الداخلية، مرة واحدة كده، طول عمرنا نسمع عن مواطن انتحل صفة ظابط، أمين شرطة، 3 عواطلية عملوا كمين وهمى، ظابط بيحسن دخله بإنه بيثبت المواطنين فى الشارع، ظابط بيسرق شقة واحدة جاره، لكن واحد ينتحل صفة وزير الداخلية، وش كده، دى جديدة.
 
عاوز تضحك أكتر؟! المواطن انتحل صفة وزير الداخلية السابق محمد إبراهيم، وده راجل مواليد 1953 يعنى عمره فوق الستين سنة، المواطن بقى عنده كام سنة؟ 27 سنة، آه والله، طب عملها إزاى دى؟ ومين اللى اقتنع بالحكاية دى؟ أكيد محدش اقتنع.
 
لأ بقى الناس اقتنعوا، ودفعوا له فلوس علشان يخلص لهم مصالح باعتباره وزير الداخلية بشحمه ولحمه، وبلاغات المواطنين المنصوب عليهم بتقول إنهم تم الإيقاع بيهم من شخص يشبه وزير الداخلية السابق اللوء محمد إبراهيم، لا إله إلا الله، يشبهه فى إيه يا عم أنت وهو، يا سيدى هنقول إنهم فولة واتقسمت نصين، بس ده آخره ينتحل شخصيته فى بدايات شبابه، دول بينهم ييجى 40 سنة فرق سن بس، لكن هتقول إيه!! هى دى مصر!!

مشاركة

اضف تعليقاً واقرأ تعليقات القراء

التعليقات 2

عدد الردود 0

بواسطة:

عمده

عادى عندنا محامى فى اول محاكمه لمبارك قال ده مش مبارك مبارك مات وده شبيهه

ودا وحده كفيل ان يناير تبقى مؤامره ***حد يعمل ثوره على واحد مات ياعالم

عدد الردود 0

بواسطة:

مفيش

مفيش واحد يطلع شبه وزير التموين ويوزع سكر

ياريت

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة