لو بعيدة قريبة
يا أمى يا طيبة
عايشة جوه قلبى
يا حبيبتى يا حنينة
لو قلت آه بتعانى
تسهرى جنبى ليالى
وبتتمنى يا أمى
تتعبى إنتى مكانى
دايما شايلة همى
يا أقرب لى منى
وناسية يا أمى نفسك
ولا عمرك غِبتى عنى
عطاؤك مالوش نهاية
حبك أجمل حكاية
لو إديت ليكى عمرى
يا أمى مش كفاية
مقدرش أستغنى عنك
وكفاية دعوة منك
إطلبى يا أمى منى
تلاقينى تحت أمرك
كل ليل وله نهاره
كل حب وله عذابه
إلا حبك يا أمى
دايما زايد عطاؤه
تم أضافة تعليقك سوف يظهر بعد المراجعة