فيسبوك
واتساب
ناس تسهر ليلها على موسيقى وخلاعة الراقصات
وناس تسهر ليلها تتقرب من ربنا فى سر العبادات
ناس بالتواصل الاجتماعى أخلاقياتهم فى انهيارات
وناس ألسنتهم بالرجاء يطلبوا من الله كل الرحمات
ناس تركت الحبل على الغارب للأولاد وكمان البنات
وناس بيرضعوا عيالهم ما يرضى الله من السلوكيات
ناس تسهر ليلها بشراهة على الطعام من المشويات
وناس تكمل عشاها نوم معتمدين على رب الكرامات
ناس مخزنة كل أنواع الطعام ولا مكان فى التلاجات
وناس يكفيهم الوجبة بعد الوجبة وحسب التسهيلات
ناس بتستورد من بره الأكل حتى كمان الشيكولاتات
وناس كل آمالهم عصيدة فى العيد يقدموها حلويات
ناس بتشرب الميه مستوردة من نبع أنقى المصبات
وناس بتشرب ميه بس مخلوطة بمجارى المخلفات
ناس علاجهم فى خمس نجوم من أرقى مستشفيات
وناس مش لاقية بتطلب الموت من العذاب رحمات
ناس كلابهم بأحدث الملابس راكبين معاهم عربيات
وناس كالسردين محشورين متشعبطين الاتوبيسات
ناس كلابهم قططهم لهم علاج نفسى من الاكتئابات
وناس بتتلطم مش لاقيين علاجهم فى المستشفيات
ناس بتنام على كيفها تصحى بإيد حنينة وطبطبات
وناس بتصحى من الفجرية مؤمنة بالرزق غيبيات
ناس مش مالية عنيهم قصورهم وكمان العمارات
وناس بين أربع جدران لا سقف ولا للهوا مصدات
ناس عايشين لأحدث الأزياء وكمان ألذ الماكولات
وناس اتسرق عرقهم لا حد بيسمعهم من السلطات
ناس الملايين رقم حقير بيعدوا فلوسهم بالمليارات
وناس اتسرقت ملياراتهم بقى طعامهم الدايم كرات
ناس لابسين بدل وقمصان وزراير دهب وكرافتات
وناس بنوا مصر نسيوهم نسيوا معاهم التضحيات
ناس عايشين ولا يهمهم أبدا للأسعار أعلى زيادات
وناس بتصرخ بتستجدى علاوة تسند لهم المرتبات
ناس بتزور وتتهرب من جمارك وضرايب مقررات
وناس بتستقطع منها للدولة من المنبع المستحقات
ناس بتاكل بعد الأكل تتسلى بالملايين من المسليات
وناس مش لاقية لآلامهم دوا ولا أرخص المسكنات
ناس ناسيين أن لكل فساد نهاية والموت له سكرات
وناس بيحاربوا الفساد لا يهمهم كذب أو الادعاءات
اللى قبل الواو دول اللى بتصب عليهم دايما اللعنات
واللى بعد الواو الكل غلابة أولهم اصحاب المعاشات
اللى قبل الواو دول فاسدين فاكرين إنهم فهلوات
واللى بعد الواد دول الشرفاء عليهم بجرأة البلاغات
اللى قبل الواو دول فاكرين انهم من القوانين افلات
واللى بعد الواو دول عيون أجهزة الرقابة الناشطات
اللى قبل الواو نهبوا سرقوا حتى كل أمل وطموحات
واللى بعد الواو أملهم العدالة تبقى المعيشة شربات
كلنا يا مصر للفساد هنحارب يبقى الفساد دوما رفات
يابلدى حققى عدالة اجتماعية كتعاليم رب السموات
***
