حَبْيبى..
الجَنّة الّلى فى بُعْدك
لا عَارِف أرْحَلْ عَنْها..؟
ولا عَارِف أتهنّى بِيِها..؟
وما عِرفتش حَبْيبى
دِلوقت إنّك دُنيا
الدُّنيا اللى كُنت عَايْش فِيها..
إنّك جنّة
الجَنّة الّلى حَقْيقى وحِلِمتْ بيها..؟
حَبْيبى..
الجَنّة الّلى فى بُعْدَك
لا بَحْيا لوحدى فيها
ولا بَتْحمّل فُرَاقك ليها..؟
ولا قادر أحوش دمعة
على بُكا رُوحى عَصِيّة
وفى عِيِنى لِشُوفك مِسْتَنيّة..
وبِشَفايْفك جَايّة تِمْسَحيها..؟
،،،،
حَبْيبى..
الجَنّة الّلى فى بُعْدك
لا عَارِف أرْحَلْ عَنْها..؟
ولا عَارِف أتهنّى بِيِها..؟
ودَمْعى السَّارح بجنايْنها
يوم هَجرت لياليها
كُلّ وروردها فِ بُوحها
دِبلت وبتدبل مَعْانيها..؟
واللا حَبْيبى
مِنْ غيرك كُنت عَارفة
إنّى مايّة مالحة
روحى غاسلة جروحها بيها
ولا وَجع بيسكّت عَطْشها
ولا أمل فى رِجوعك يِدْاوِيها..؟
،،،،،
حَبْيبى..
الجَنّة الّلى فى بُعْدك
لا عَارِف أرْحَلْ عَنْها..؟
ولا عَارِف أتهنّى بِيِها..؟
ما إنْتِ كُنْتِ شَمْسها وَنِيلها
والشجرة اللى بتمشى جَارها
هَجْر ضِلّها رِيحها
والجَنّة الّلى مِسْتنّى فيها
جَفّت أراضيها..؟
ولا دَمّى عَادْ يرويها..؟
،،،،،
حَبْيبى..
الجَنّة الّلى فى بُعْدك
لا عَارِف أرْحَلْ عَنْها..؟
ولا عَارِف أتهنّى بِيِها..؟
.....
