قال النائب عمرو الجوهرى وكيل لجنة الشئون الاقتصادية بمجلس النواب، إن اللجنة ستناقش اليوم الاثنين، عرض السياسة النقدية للبنك المركزى بحضور طارق عامر محافظ البنك المركزى، وموقف الاحتياطى النقدى بعد اعتماد قرض صندوق النقد الدولى، ومؤشرات ومعدلات النمو الاقتصادى بعد قرار تحرير سعر الصرف.
وأضاف الجوهرى، لـ"اليوم السابع"، أن اللجنة ستناقش أيضًا فى اجتماع الغد، أثار تعويم الجنيه، وارتفاع نسبة التضخم نتيجة تعويم الجنيه، ومناقشة اتفاقية صندوق النقد الدولى، وما تم عمله بالقرض الأول، بعد استلامه، وموعد القرض الثانى، واستراتيجية البنك المركزى نتيجة الآثار المترتبة على التعويم، وتحرير سعر الصرف.
وأشار وكيل لجنة الشئون الاقتصادية، إلى أن اللجنة ستناقش محافظ البنك المركزى فيما يتعلق بالحصيلة الدولارية وإلى أى حد وصلت، وهل تم فتح الاعتمادات بالكامل، لافتًا إلى أن المناقشة سوف تتطرق أيضًا لرؤية صندوق النقد الدولى بأنه لم يكن يتوقع الانهيار الكبير للجنيه أمام الدولار.
عدد الردود 0
بواسطة:
محمود
جهلة اخر زمن
اثار كارثية اللة يلعنهم
عدد الردود 0
بواسطة:
مواطن منتكس
كلمة السر
من هو راعى نكسة يونيو 67؟ من هو راعى نكسة نوفمبر 2016 ؟كلمة السر هما ..................؟............................؟
عدد الردود 0
بواسطة:
Ahmed Ibrahim
اثار جانبية
يا حلاوة دى مش اثار جانبية خالص دى اثار رئيسية كارثية أدت الى ارتفاع اسعار كل السلع وطحن المواطن بأسعار لا يطيقها احد .... والبنك الدولى نفسه قالك اخ أصل احنا مكناش نعرف ان ده هيحصل بعد طبعا ما لبسنا فى الحيط .... دلوقتى العبقرى المدعو طارق عامر لابد من اقالته فورا وتعيين العقدة او هشام رامز لكن للأسف احنا بنحب الناس اللى تقولك تمام يا فندم وبرقبتى يا ريس وتلاقى نفسك فى نكسة 67 بالظبط ..... لو كُنتُم فكرتم فى السياحة اللى كانت ايام مبارك بتدخل الدولة 12 مليار دولار فى السنة وساعدتم رجال الاعمال عشان الدولة تقوم بدل ما تقولولهم طلعوا اللى جيبكم وهاتوا اللى معاكم والكلام الاشتراكى اللى مات من 50 سنة ..... كانت الصورة اختلفت كتير ومكناش احتجنا لقرض بنك دولى ظهرت نتايج كارثية له بعد اقل من شهرين ..... يا ترى بعد سنة النتائج هتكون ايه......
عدد الردود 0
بواسطة:
hgidel
مفروض تتحاكم .دى مش اثار جانبية دى كوارث
مفروض هشام رامز او العقدة ييجى تانى لوضع حل سريع وقرار التعويم لازم يتعدل تانى ..على فكرة ممكن جدا جدا جدا لوفيه عقل .لكن عامر هذا مفروض يتحاكم والله لانه البس الدولة فى حائط سد . ولازم من حل عبقرى جدا جدا جدا ودا لو جاء العقدة او رامز للبنك تانى ممكن ..؟؟؟ مش عارف هل ممكن مرة اخرى التحكم ؟؟ فيه حلول على فكرة ولكن فى حالة تحديد مصر قائمة بالضروريات المستوردة فقط وتخفيض قائمة الاستيراد الى الثلث لمدة عامان فقط . يعنى اعادة دعم صناعة الدواء من الدولة .+ استيراد ماهو ضرورى فقط فقط وتتوقف عليه الحياة . وبذلك ممكن نقلص احتياجاتنا من الدولار ثم نعيد تحديد سعره زى الاول . هناك حل لكن نحتاج اعادة تقييم ماهو مستورد وتخفيض القائمة للثلث مع رفع التصدير لاقصى درجة ممكنة ..يعنى افتح باب تصدير الارز لان فيه ارز كتير داخل البلد . وبذلك ستنشط السوق .الموضوع محتاج معادلة اقتصادية ومفكرين عباقرة لاستيراد الضرورات فقط ...على فكرة مصر لاتحتاج اطعمة مستوردة نهائيا ولا لب ولاسودانى ولا ياميش ولا وووالخ..مصر تحتاج ان تصنع بيدها البان الاطفال فصناعتها سهلة جدا ومصر تحتاج ان تصنع صناعات صغيرة للاكتفاء الذاتى ...لازم نكتفى ذاتيا باى شكل كان .مش مهم سيارات لمدة عامان .....ولازم حلول
عدد الردود 0
بواسطة:
سيوط
اسيوط
ده حرام الكلام معه جوع المصريين منك لله ياعامر باشا الدول ترفع في عملتها وانت وكستها منك لله منك لله يصاحب اكبر نكسه في البلد
عدد الردود 0
بواسطة:
ابو كريم
قرض البنك الدولى عديم الفائدة وكارثة كبيرة علينا
قرض والله ما اعرف عملنا بيه ايه ..ياجماعة القروض بتخرب البيت والله وكلنا مجربين . يقولك تعالى خد قرض بفائدة 15 فى المائة ..طيب اقسم بالله العظيم البنك الفايدة فيه اكثر من 100 فى المائة .. وقرض البك الدولى مشروط بشروط عقيمة جعلنا عبيد لخراب البيت .تحرير الصرف ورفع الدعم وووالخ كل ذلك كان خطوة كارثية دون دراسات .كيف نضع مستقبل بلد زى مصر بيد طارق عامر الجهبز الذى تسبب فى كارثة بكل المقاييس وشلل بالسوق كله .المصيبة ان الاسعار لم ترتفع فقط بل حدث شلل بالسوق يعنى المبيعات نزلت الى الثلث للاسف بل اقل من الثلث وربما الربع وفيه اقل من ذلك ...يعنى التجار النهاردة بيلطموا وجوههم ..زمان كان فيه يعنى حركة بيع وشراء .النهاردة السوق يتراجع وادخل لاى معرض اجهزة كهربائية تلاقيه بيلطم ..لا بيع ولاشراء ..طيب الى متى ..رفعنا الدعم وحررنا سعر الصرف دون تقديم دراسة ..قرار عبيط واهبل ..والحل كان غير كده نهائيا ..الحل كان التفكير فى الانتاج والاكتفاء الذاتى زى ايران ماعملت ..وصبرت واصبحت دولة صناعية كبيرة تنتج السيارة والطيارة والصاروخ وووووالخ ..ايران الان تنتج الكمبيوتر والثلاجات والغسالات بكل انواعها ....ايران تزرع كل شئ وتكتفى من زراعتها وتصدر ..ليه ما رحناش لايران وسالنا ونقلنا التجارب دى ؟؟؟؟؟ ليه بس ...يقولك دول شيعة ...انا مالى ما الصين بلا دين اصلا واليابان بلا دين دول شيوعية لاتعترف بوجود اسلام ولا مسيحية ...احنا تافهين وخايبين .فعلا .. وغير واثقين من انفسنا .عاوزين نسرق وننهب ونعيش وخلاص ومش مهم اى شئ ..من 50 سنة لانتغير ..ولن نتغير ..الدولة هى الاسرة الصغيرة ولو كل اسرة صغيرة قررت العيش والعمل والانتاج وقلت لها ابتكرى لانه لايوجد ملبس ستقوم بصنع الملبس صدقونى ..وستقوم بصنع طعامها ..ووووالخ مصر تحاتج عقول فذة ولاتحتاج بدل وكرافتات لان كفاية كفاية ضحك على انفسنا ..البيه والدكتور والمستشار وووو خدنا ايه ؟؟ خدنا الخيبة
عدد الردود 0
بواسطة:
محمد
ضيع مصر
يجب محاكم طارق عامر لتضليل متخذي القرار بحجة تجميع مليارات قناة السويس وبذلك الشعب يتحمل علما بأن هذا القرار خرب البلد واهدر مجهود الريس والجيش وزاد من المشاكل التى لا يقدر على حلها أحد حسبنا الله ونعم الوكيل
عدد الردود 0
بواسطة:
معمل الايمان
!!!!!!!!!!!!!!!!!!!!!!!!
نفسى اعرف اى عقل يفكرون به هؤلاء النواب اثار ايه اللى لسه هيناقشوها المفروض الواحد لما ييجى يفكر ياخد قرار لزما يفكر فى النتائج اللى هتحصل من وراء هذا القرار....دول جايين بعد القرار اتاخد والكوارث حصلت والارتفاع حصل والدنيا ولعت من ارتفاع الاسعار ولسه هينقشوا القرار مع عامر اى عقل يفكرون به .........حسبى الله ونعم الوكيل فيكم
عدد الردود 0
بواسطة:
محمد مشعل
حسبنا الله ونعم الوكيل في القرارات الفاشلة
عائلة عامر خربت مصر ... عبد الحكيم عامر ضيع سيناء وإبن أخية طارق عامر ضيع الجنية ... قرارات فاشلة لأنها لم تقترن بالتحرير الكامل لجانبي العرض والطلب للعملات بدون أي شروط مما ترتب عليه إرتفاع شديد في سعر العملة الأجنبية مقارنة بالمحلية ولأننا دولة مستوردة أدي ذلك لخراب مالطا ... وما نصدره هو منتجات زراعية خام مثل البصل والأرز وأدي التصدير إلي إرتفاع أسعاره محلياً بطريقة رهيبة ... وطبعاً مع وجود تجار مستغلين وفشل حكومي في متابعة الأسواق أدي ذلك لأن يعاني الوطن والمواطن ... حسبنا الله ونعم الوكيل فيكم
عدد الردود 0
بواسطة:
زيكو
بعد الأربعين
الجنيه غرق و دفن من 50 يوم . جايين تناقشوا اثار تعويم الجنيه الغريق بعد الأربعين ؟ انا شايف انكم تقراوا الفاتحه على روحه و يا رب لا تجعل (عامر) محافظ على خزائن مصر !