نصر فتحى اللوزى يكتب: يا أم العجايب

الجمعة، 20 يناير 2017 11:00 ص
نصر فتحى اللوزى يكتب: يا أم العجايب فقير - أرشيفية

مشاركة

اضف تعليقاً واقرأ تعليقات القراء

يابلدنا يا أم العجايب

ليه باشوف فيكى ياحبيبتى كل العجب

ناس نايمة على سراير وحراير

وغلابة نايمين من غير غطا تحت كبارى الخشب

ناس لابسه من المستورد صوف تقيل

ومساكين فى عز البرد تحت هدومهم أوراق جرايد وكتب

ناس دفايانه قدام دفايات بالزيت ومشروبات للدفا

وغيرهم قاعد متلج قدام دخان القش والحطب

ناس بتاكل وبتشرب حاجات أساميها منعرفهاش

وناس على الصبحية بيستنوا اللى من المعزة اتحلب

ناس لمليارتنا سرقوها واستثمروها بره

وناس للفقر مش عارفاله ادنى سبب

ناس نايمين فى العسل دخولهم بالملايين

وناس شقيانه من الفجر دخلهم اتسرق واتنهب

ناس النعيم اضلهم نسيوا شهور الصوم

وناس مع الخالق يبدأ صيامهم من رجب

ناس لما مصر تناديهم يبقوا صم بكم

وناس مخلصين بيكونوا على المعتدى نار ولهب

ناس بتهرب فلوسنا وتهرب معاها

وناس الواحد فيهم يعود لبلده بالخير وبحبه مهما اغترب

ناس عايشين بالكذب والطمع وقتل الابرياء

وناس قلوبهم بحب الله ومصر اكتر من المطر جوه السحب

ناس بالفساد عايشين فاسدين عن الحق سكرانين

وناس الحلال هدفهم والناس معادن همه دول الدهب

يابلدنا ياام العجايب كفاية على اولادك كدا

الكيل طفح علينا وعلى رؤوسنا بالهموم انقلب

يارب صابرين بحكمك علينا

بس ياريت ميكونش منك يارحمن علينا غضب

ومهما زادت آلامنا واستشهاد اولادنا راضيين

يا أم العجايب حبنا ليكى أحلى قدر علينا انكتب

آى والله

يا أم العجايب ياللى لقلوبنا كلنا اطيب رطب

***

 










مشاركة

التعليقات 2

عدد الردود 0

بواسطة:

على

جميللللللللة

رائعة يااستاذة سلمت يداكى

عدد الردود 0

بواسطة:

نصر فتحى اللززى

شكر واجب

عزيزى الاستاذ / على ... شكرا على تعليقك الذى فعلا اسعدنى ... دمت بكل الخير ... ودامت مصرنا حرة ابية آمنة سالمة غانمة برجالها تحت مظلة الامن والامان ( بلا عجايب ) ... شكرا لك

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة